4 варзишгари тоҷик барои иштирок дар Ниммарафони байналмилалии Созмони Ҳамкории Шанхай (СҲШ) ба шаҳри Тошканди Узбекистон мераванд.
Ин ниммарафон рӯзи 27-уми март баргузор гардида, дар он варзишгарон аз кишварҳои узви СҲШ ширкат мекунанд.
Фонди ҷоизавии Ниммарафон 138 млн. сум ($12,579) буда, дар доираи ин чорабинӣ, ҳамчунин ба ифтихори ҷашни Наврӯз 4-ум Ниммарафони байналмилалии Тошканд баргузор мешавад.
Бино ба иттилои Федератсияи варзиши сабуки Тоҷикистон, аз кишвари мо Аъзамҷон Давлатов, Меҳрубон Шамсидинов, Зулҳиҷа Ғаффорзода ва Раҷабмо Абдуллоева дар ин Ниммарафон ширкат мекунанд.
Ниммарафони СҲШ бо ташаббуси ин созмон аз соли 2016 баргузор гардида, соли гузашта шаҳри Душанбе мизбон буд.
