6-уми августи соли ҷорӣ вазири адлияи Тоҷикистон Музаффар Ашуриён зимин нишатси матбуотии ниҳоди зери раҳбарияш аз эълони авфи зиндониён изҳори бехабарӣ кард.
Музаффар Ашуриён дар мавриди сару садоҳо дар барои афви зиндониён, ки гуфта мешвад, ба муносибати 30-солагии Сарқонуни кишвар бояд амалӣ шавад, гуфт, масълаи афви зиндониён ин ваколати истисноии раисҷумҳури Тоҷикистон мебошад, ҳар вақт раисҷуҳур бихоҳад, лоиҳаи афв омода ва амалӣ мешавад. Вазир таъкид кард, ки ин масаъла ба Вазорати адлия марбут нест.
Ин дарҳоле аст, ки қаблан расонаҳо аз “афви тиллоӣ” гузориш дода буданд. Хабаргузории “Бомдод” ба нақл аз манобеи худ гуфта буд, қарор аст ба муносибати “Рӯзи Сарқонун” ва ҳамзамон зодрӯзи Эмомалӣ Раҳмон, ки 5-уми октиябр аст, ин афв амалӣ шавад.
Гуфта мешавад, дар сурати қабули қонуни афв 15 то 20 ҳазор зиндонӣ шомили он мешаванд маъмулан касоне шомили афв мешаванд бо ҷурмҳои сабук зиндони шудаанд мушахснест ки оё зиндониёни сиёси ва рузноманигор шомили ин афв мешавнд ё не.
Дар ин нишаст, инчунин Музаффар Ашуриён дар масълаи ислоҳот дар зиндонҳои кишвар суҳбат карда, ба саволи рӯзноманигорон дар мавриди ислоҳот дар зиндонҳо гуфт: “Ислоҳот пеш аз ҳама дар самтҳои ислоҳкардани маҳкумшудаҳо, ба вуҷуд овардани шароити мусоиди меҳнатӣ ва маишӣ, сохтани зиндоҳои нав ва таъмири зиндонҳо, ба ҷои кор таъмин кардани маҳкумшудаҳо идома дорад.”
Вазири адлияи Тоҷикистон дар ҳоле аз ислоҳот ва беҳбуд ёфтани шароити зиндонҳо ва зиндониён суҳбат кард, ки шикоятҳо аз шароити бад ва тоқатфарсо будани зиндоҳои кишвар хеле зиёд аст. Ба гуфтаи бархе наздикони зиндониён, масъулини кишвар ҳамеша аз беҳбуди шароит дар зиндонҳо мегӯянд, аммо воқеият тамоман дигар аст. Ҳатто хӯроку пӯшоки зиндониён ва дору барои дармони онҳоро хонаводаҳояшон таъмин мекунанд.
