Ба гузориши хабаргузории Тасним, Абдуризо Раҳмонӣ Фазлӣ вазири умури дохилии Эрон ба даъвати Рамазон Раҳимзода, вазири умури дохилии Тоҷикистон шоми дирӯз 22 феврал вориди Душанбе шуд.
Қарор аст, имрӯз вазири умури дохилии Эрон бо як қатор масъулони баландпояи кишвар дидору мулоқот кунад.
Бино ба навиштаи расонаҳои тоҷикистонӣ Фазлӣ бо Президент Раҳмон низ мулоқот хоҳад кард. Дар назар аст, ки ҷонибҳо масоили ҳамкорӣ дар соҳаи амният ва мубориза бо ҷинояткориро баррасӣ мекунанд.
Равобити дипломатии Тоҷикистону Эрон пас аз соли 2015 сард гардида буд, аммо ду соли ахир муносибатҳои Душанбеву Теҳрон рӯ ба гармӣ ниҳодааст.
