Дар пайи боздошти Иззат Амон ҳомии ҳуқуқи муҳоҷирон чанде аз намояндагони созмонҳои ҷаҳонии ҳуқуқи башар вокуниш намуда, боздошти ӯро маҳкум ва талаби озодияшро карданд.
Синат Султаналиева, намояндаи Дидабони Ҳуқуқи Башар дар Осиёи Марказӣ дар Твиттераш менависад:
“Идомаи саркӯби фаъолони ҷомеаи шаҳрвандӣ аз ҷониби Ҳукумати Тоҷикистон бо ҳамкории Русия хилофи ҳама конвенсиюнҳои ҳуқуқи башари СММ мебошад, ки аз сӯи Тоҷикистон эътироф шудааст. Дар остонаи нишасти Шӯрои ҳуқуқи башари СММ ҷиҳати баррасии давраии ҳуқуқи башар дар соли 2021, ҷомеаи ҷаҳонӣ бояд ба Тоҷикистон фишор ворид кунанд то ҳамаи зиндониёни сиёсиро озод кунад ва аз таъқибу фишори дигарандешон (фаъолон) даст бардошата, Иззат Амонро низ озод кунад”.
The #Tajik government continues silencing activists, cooperating with #Russia in violation of all human rights conventions ratified. Ahead of #UPR session 2021, #Tajikistan must be pressured to release all political prisoners and stop harassment of activists. #releaseAmon https://t.co/aexIGlBq1Q
— Syinat Sultanalieva (@SyinatS) March 28, 2021
Ҳамчунин Эдвард Лемон, устод Донишгоҳи Буш дар ш. Вашингтон боздошт ва истирдоди Иззат Амонро як мавриди дигаре аз “саркӯби бешармонаи” фаромиллӣ номид.
Э.Л иттиҳомоти ворида бар Иззат Амонро дорои ангезаи сиёсӣ номид ва гуфт, оқои Амон мудофеи сарсахти ҳуқуқи муҳоҷирини тоҷик ва донишманде аст, ки дар конфронсоҳои гуногуне дар бораи муҳоҷират дар Урупо ширкат карда ва мунтақиди ҳукумати Тоҷикистон аст.
In another brazen case of transnational repression, Russian police detained activist and advocate for Tajik migrants in the country on March 24 & he now appears to have been sent back to Tajikistan. A 🧵on his case & similar incidents involving Tajikistan https://t.co/HSH4YfK5lT pic.twitter.com/EdhEuJp90D
— Edward Lemon (@EdwardLemon3) March 27, 2021
Ҳамчунин Максим Шевченко, сиёсатмадори маъруфи рус, узви Шӯрои назди раисҷумҳури Русия оид ба ҳуқуқи инсон ва вакили Маҷлиси вилояти Владимир низ дар барномаи ютубияш “Итоговый стрим” аз Иззат Амон, раҳбари “Маркази тоҷикон”, ки рӯзи 23 март дар Маскав боздошт ва нопадид шуд, ҳимоят кард. Ӯ аз ҳукумати Русия талаб намуд билофосила шаҳрванди ин кишварро аз Тоҷикистон баргардонад.
Иззат Амон яке аз чеҳраҳои маъруфи тоҷик дар Русия аст, ки аз соли 2000 дар Маскав кору зидагӣ мекунад ва солҳост аз ҳуқуқи муҳоҷирони тоҷик ҳимоят мекунад. Ӯ ба мақсади кумак расондан ба муҳоҷирон марказеро бо номи “Маркази тоҷикон” кушод ва аз номи он ба муҳоҷирон ёрӣ мерасонд.
Хусусан муҳоҷироне, ки мефавтиданд, талош мекард ҷасадҳои онҳоро тариқи марказаш ва бо кумаки хайрхоҳон ба Ватан фиристад. Ӯ пештар ҳам навишта буд, ки аз сабаби зиёд дидани ҳолатҳои маргу мири муҳоҷирон хаста шудааст ва мехоҳад марказашро бибандад.
