Вайсиддин Одинаев, фаъоли сиёсии тоҷик дар вокуниш ба пайванд додани исми ӯ дар парвандаи журналист Далери Имомалӣ инҳукми додгоҳро “як қатли сиёсӣ” хондааст.
24-уми ноябри соли 2022 Вайсиддин Одинаев, фаъоли сиёсии Тоҷикистон, ки муқими яке аз кишварҳои узви Иттиҳоди Аврупост, бо нашри як Ҳамзамон худи Далери Имомалӣ дар номааш, ки чанд рӯзи пеш аз дохили зиндон берун омад ва дар расонаҳо нашр шуд, менависад: “Тамоми баҳси ин модда сари ҳамагӣ 10 (даҳ) ҷумлае меравад, ки дар мессенҷер суҳбати катбӣ шудааст. Ин суҳбат аз тарафи ман бо як блогери фаъол сурат гирифтааст, ки то замони тафтишот ман намедонистам, ки ӯ аъзои гуруҳи мамнуи “24” аст. Зеро дар рафти суҳбати мо умуман аз ин гуруҳ чизе ёд нашудааст. Дар акси саҳифаи ӯ низ ягон нишона аз ин гуруҳ набуд. Мазмуни асосии суҳбати мо сари он аст, ки асри 21 асри технолоҷӣ аст ва бояд ҳама гуна эътирозу шикоят ва гирдиҳамоӣ дар интернет бошад. Мардумро дигар кӯча даъват накунем. Маҳз ҳамин мантиқи суҳбат гуё ба гуфти коршиносони Вазорати адлияи Ҷумҳурии Тоҷикистон Қаландаров К. ва Махатов Ботир муҳтавои ифротгароӣ доштааст. Агар ман медонистам, ки ҳамсуҳбати мо Вайсиддин Одинаев аъзои “24” аст, ҳеҷ гоҳ суҳбати катбӣ намекардам. Ин суҳбат ҳамагӣ як маротиба аст.”
