Бино ба иттилои Хадамоти марзбонии Узбекистон гурӯҳе аз силоҳбадастони афғон 21-уми август ғайриқонунӣ марзи Узбекистонро убур када, ҷониби марзбонони узбек тир кушоданд.
Мақомоти Узбекистон мегӯяд, муҳоҷимон ба қаламрави ҷазираи Арал-Пайғамбари вилояти Сурхондарёи Узбекистон ворид шуда, бо марзбонони узбекистонӣ даруфтоданд. Ва дар натиҷа ҳамаи муҳоҷимон (иборат аз 24 силоҳбадаст) дастгир шуда, ҳувияти онҳо мушаххас мешавад.
Дар ҳамин ҳол хабаргузории афғонии “ToloNews” муҳоҷимонро “нерӯҳои Толибон” гуфтааст. Ва масъулони баландпояи Толибон ҳам ин ҳамларо тасдиқ карданд, вале ҷузъиёти бештаре надоданд.
Тавре расонаҳои узбекистонӣ хабар медиҳанд, ҳадафи ин ҳамлаи шаҳрвандони Афғонистон ба марзи Узбекистон ҷамъоварӣ ва қочоқи ғайриқонунии решаи гиёҳи ширинбия будааст, ки он дар манотиқи марзии Узбакистон зиёд мерӯяд.
Гуфта мешавад, ҳоло ҳудуди ҷазираи Арал-Пайгамбар пурра зери назорати нерӯҳои марзбонии Узбакистон қарор дорад.
