Шоми дирӯз ҳудуди 200 нафар аз муҳоҷирони Осиёи Марказӣ дар Маскав бо ҳам занозанӣ кардаанд, ки аксари онҳоро шаҳрвандони кишварҳои Ӯзбекистон ва Қирғизистон ташкил медиҳад.
Шаби 13-уми июл ин ҳодиса дар кӯчаи Зеленодолскийи Маскав рӯх дода, даҳҳо нафари онҳо ҷароҳат бардоштааст. Ба навиштаи расонаҳои Маскав то кунун беш аз 20 нафари онҳоро барои муолиҷа ба табибон муроҷиат кардаанд.
Ба қавли Интерфакс, дар асари ин бетартибиҳо 102 нафар боздошт ва ба шуъбаи полис интиқол ёфтааст. Полис таҳқиқ мекунад, ки афроди боздошт шуда дар ин задухурд чӣ нақше доштаанд.
Ба гузориши бахши Тоҷикистонии Спутник “дар ин занозанӣ аз 50 то 200 нафар даст доштааст.” Ва дар байни онҳо зодагони Тоҷикистон низ гузориш шудааст.
