Заминларзаи беш аз 3 балие ба миқёси Ҷадвали Рихтер шаҳри Душанбе, пойтахти Тоҷикистон ва шаҳру навоҳии атрофи онро такон дод.
Субҳи имрӯз, 13-уми декабри соли 2022 Институти геология, сохтмони ба заминҷунбӣ тобовар ва сейсмологияи Академияи илмҳои Тоҷикистон ба расонаҳо хабар дод, ки соати 06:50 ба вақти маҳаллӣ дар қаламрави кишвар заминларза ба қайд гирифта шуд.
Гуфта мешавад, маркази ин заминларза дар километри 14-уми ҷануби Душанбе ҷойгир будааст. Тибқи Ҷадвали Рихтер шиддати он дар шаҳри Душанбе 3 баллро ташкил дода, то ҳол ҳеч гуна талафоте дар Тоҷикистон сабт нашудааст.
