Шоми 21-уми марти соли ҷорӣ заминларзаи сахте бахши азими Тоҷикистон, аз ҷумла шаҳри Душанбе ва бархе навоҳии вилояти Хатлонро такон дод.
Корбарони тоҷик дар шабакаҳои иҷтимоии аз аксари шаҳру ноҳияҳои кишвар, аз ҷумла шаҳри Душанбе, Ҳисору Ёвон, Рашту Кӯлоб ва дигар навоҳӣ гузориш доданд, ки замин сахт ҷунбидааст.
Дар ҳамин ҳол сухангӯи Кумитаи ҳолатҳои фавқулоддаи Тоҷикистон Умеда Юсуфӣ дар суҳбат бо Радиои Озодӣ вуқӯи заминларзаро тасдиқ карда гуфт, ки “марзкази заминларза дар ҳудуди Афғонистон буда, дар марказ қувваи заминларза аз 7 бал зиёд ва дар шаҳри Душанбе 5 балро ташкил дод.”
То ҳол хисороти молӣ ва ҷонӣ бар асари ин заминларза дар Тоҷикистон ба қайд гирифта нашудааст.
