Дар натиҷаи заминларазаи шадид дар ҷазираи Яваи Индонезия дасти кам 162 нафар кушта ва беш аз 700 нафари дигар захмӣ шудааст.
Ба гузориши расонаҳо, заминлараза рӯзи душанбе, 21-уми ноябр рух дода, ба 5,6 дараҷаи рихтер баробар буд.
Гуфта мешавад, ба сабаби вайрону валангор шудани хонаҳо ва роҳҳои бузурги мошингард имдодрасонҳо сари вақт ба ҷойҳои ҳодиса расида наметавонанд ва ин боиси афзоиши шумори кушаташудаҳо мегардад.
Индонезия аз лиҳози мавқеи ҷуғрофӣ дар ҳалқаи вулқонии минтақаи Уқёнуси Ором ҷойгир аст, ки зад-зуд заминларзаҳои шадид харобиоварро мушоҳида мекунад. Аз ҳама харобиовартарин заминларза дар ин кишвар соли 2004 дар ҷазираи Суматра рух дод, ки қудрати он 9,1 дараҷаи рихтерро ташкил дод ва дар натиҷа сунамиро ба вуҷуд овард, ки 14 кишварро фаро гирифт ва тақрибан ҷони 226 ҳазор нафарро гирифт, ки нисфи онҳо шаҳрвандони Индонезия буданд.
