-3.1 C
Dushanbe

1.5 млн. воя воксин Амрико ба Тоҷикистон

Субҳи 26-уми июл 1.5 млн воя воксини “Модерна” истеҳсоли Амрико ба Тоҷикистон ворид гардид.

Тибқи иттилои Вазорати тандурустӣ ва ҳифзи иҷтимоии аҳолии Тоҷикистон воксини “Модерна” кумаки давлати Амрико ба Тоҷикистон буда, бо ин миқдор эм шудани 750 ҳазор нафар аз аҳолии кишвар дар назар гирифта шуда аст. Вокисини мазкур дар чорчӯби барномаи Созмони ҷаҳонии беҳдошт COVAX тавассути ширкати “Туркишайрлнс” ба кишвар интиқол шуд.

Ин бори чорум аст, ки ба Тоҷикистон дар чорчӯби барномаи COVAX ва кумакҳои башардӯстона, аз қабили воксини зидди коронавирус ворид мегардад. Бори аввал 192 ҳазор воксини “Астразеника” аз Ҳиндустон, бори дуюм 300 воксини “КоронаВак” аз Чин ва рӯзи 22 июл 40 ҳазор воксини “Астразеника” аз Озарбойҷон ба Тоҷикистон оварда шудааст.

Ҳамзамон раиси бемористони Ибни Синои пойтахт ҷаноби Абдухалил Холиқзод дар сафҳаи фейсбукиаш хабар дод: “Ғайр аз воксани Astra Zeneca, қарор аст чор миллион воя воксани Moderna низ дар ҳафтаи оянда ба кишвар ворид шавад. Ҳамчунин теъдоди чашмраси воксани Sinovac-и чинӣ ва Спутник-и русӣ дар роҳанд!”

Гуфта мешавад, барои пешгирӣ аз паҳншавии вируси COVID-19 Вазорати тандурустии кишвар қасд дорад, ки 62,4 дарсади аҳолии Тоҷикистон (ё 5,8 млн аҳолӣ)-и аз 18- сола болоро бо воксин таъмин кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.