33.9 C
Dushanbe

12,6 млн доллар кумаки навбатии Бонки ҷаҳонӣ ба Тоҷикистон

Бонки ҷаҳонӣ ба Тоҷикистон барои таҳкими имконот дар соҳаи тандурустӣ ва ҳифзи қишри осебпазири аҳолӣ ҳудуди 12,6 млн доллар кумаки бебозгашти иловагӣ ҷудо мекунад.

Ин миқдор маблағ илова ба кумак дар ҳаҷми зиёда аз 8,6 млн доллар барои ваксиназанӣ зидди коронавирус мебошад, ки рӯзи 11 феврал аз ҷониби Шӯрои мудирони ин Бонк тасдиқ шуда буд. Дар ин бора “Asia Plus” хабар дод.

Дар сомонаи расмии худи Бонки ҷаҳонӣ омадааст, ки аз ин маблағ таҷҳизоти зарурӣ ва муҷаҳҳазгардонӣ барои муолиҷа бо истифодаи оксиген, инчунин доруворӣ барои он бо шумули дексаметазон ва дигар маводи терапевтии иҷозашуда харидорӣ мешаванд.

Ҳамчунин аз ин маблағ ба беш аз 65 ҳазор хонаводаҳои осебпазир кумаки пулии таъҷилии яквақта дода мешавад.

Ёдовар мешавем, ки дар умум аз ҷониби Боники ҷаҳонӣ 21,2 млн доллар дар доираи “Лоиҳаи вокуниши фаврӣ ба хатари COVID-19 дар Тоҷикистон”, ки моҳи апрели соли 2020 тасдиқ шуда буд, сурат мегирад. Бояд дар аввал тибқи ин  лоиҳа ба Тоҷикистон 11,3 млн доллар дода мешуд.

Қобили зикр аст, ки Бонки ҷаҳонӣ шарики дарозмуҳлати бахши тандурустии Тоҷикистон буда, то имрӯз дар соҳаи тандурустии кишвар зиёда аз 42 млн доллар сармоягузорӣ кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.