25.9 C
Dushanbe

Маҳкум шудани 18 нафар ба 75 соли зиндон

Додгоҳи ноҳияи Бобоҷон Ғафурови вилояти Суғд 18 нафар аз сокинин ин ноҳияро бо иттиҳоми пайравӣ аз ҷараёни “Салафия” аз 1 то 5 солу 6 моҳ аз озодӣ маҳрум кард.

Хабаргузории “Азия Плюс” дар истинода ба қавли вакили дифои яке аз маҳкумшудаҳо иттилоъ дод, Муҳсин Холматов, ташкилотчии гурӯҳ, 5 солу 6 моҳ ва 13 нафари дигар 5-солӣ ҳукм  гирифтанд. Ҳамаи онҳо бо моддаи 307 иловаи 3 қисми 2-и Кодекси ҷиноятии ҶТ гунаҳкор дониста шуданд.

Аммо сомонаи додгоҳи ноҳияи Бобоҷон Ғафуров, ки барои нашри чунин хабарҳо роҳандозӣ шудааст, дар ин бора чизе нашр накардааст. Хабари охиронашро сомонаи ин додгоҳ 1 октябри соли 2020 нашр кардааст.

Гуфта мешавад, муҳокимаи додгоҳии ин 18 нафар аввали моҳи июли соли ҷорӣ дар додгоҳи ноҳияи Бобоҷон Ғафуров анҷом шуда, ки дар байн муттаҳамон ба “Салафия” Абдукамол Аҳадов, маъюби гурӯҳи якум низ ҳузур дорад. “Чор нафари дигар, ки бо моддаи 347 айбдор мешуданд, 1-солӣ аз озодӣ марҳум гардиданд”, – гуфт ин вакили дифоъ.

Вакили дифоъ ва наздикони маҳкумшудагон аз ҳукми додгоҳ розӣ нестанд ва гуфтаанд, ки ба зинаҳои болотар шикоят мебаранд.

Ёдовар мешавем, ки моҳи феврали соли ворӣ маъмурони ВКД-и ноҳияи Бобоҷон Ғафуров дар деҳҳаи Хистеварз 18 нафарро аз хонаи Абукамол Аҳадов, ки маъюби гурӯҳи 1 аст, бо гумони пайрави аз ҷараёни “Салафия” боздошт карданд.

Аммо нафарони боздоштшуда ин иттиҳомро рад карда гуфтаанд, ки суҳбати онҳо оддӣ ва дар мавриди масоили рӯзгор буд. Ба гуфтаи пайвандони онҳо маҳкумшудаҳо намедонанд, ки “Салафия” чӣ ҷараёне асту чӣ аҳдоферо дунбол мекунад.

Додгоҳи Олии Тоҷикистон фаъолияти ҷараёни “Салафия”-ро дар қатори чанд ҳизбу ҳаракати исломӣ дар соли 2006 дар қаламрави кишвар манъ кард буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дархости мухлисони футбол аз “Барқи тоҷик”

Сокинони шаҳру ноҳияҳои Тоҷикистон аз ширкати "Барқи тоҷик" талаб доранд, ки имшаб барои тамошои футболи дастаи “Истиқлол”-и Душанбе ва “Ан-Наср”- и Арабистони Саудӣ, барқро қатъ накунанд.

Чанд шаҳру ноҳия дар рӯзи аввал нақшаи даъватро иҷро карданд

Мақомоти ВМКБ, баъзе ноҳияҳои вилояи Хатлон ва вилояти Суғд хабар доданд, ки нақшаи даъватро дар як рӯз пурра иҷро кардаанд.

Баъди бо тухм задани Раҳмон, намоянданони ҳукумат дар нишасти САҲА ширкат мекунанд?

Нишастҳои навбатии Созмони Амният ва Ҳамкории Аврупо дар мавриди санҷиш ва баҳодиҳии ҳуқуқи инсон дар шаҳри Варшава, пойтахти Лаҳистон аз имрӯз, 2-уми октябри соли 2023 шуруъ мешавад.

Дар Тоҷикистон боздошти пайвандони мухолифон идома дорад

Бо гузашти се рӯз аз тазоҳурот ва бо тухм...