33.9 C
Dushanbe

2,5 млн. муҳоҷири кории носолим дар Русия

Мақомоти Русия мегӯянд, дар ин кишвар тақрибан 2,5 миллион муҳоҷири корӣ бидуни сабти ном ва шартномаи корӣ бо корфармоён фаъолият мекунанд.

22-юми июл, Валерий Фадеев, роҳбари Шӯрои назди президент оид ба рушди ҷомеаи шаҳрвандӣ ва ҳуқуқи инсонд дар як нишасти матбуотӣ дар Маскав гуфт: “Ба гуфтаи коршиносон, 2,5 миллион муҳоҷир бо корфармоён расман ҳеч куҷое сабти ном нашудаанд ва ҳеҷ гуна қарордоди корӣ надоранд. Ин як вазъияти носолим дар бозори меҳнат аст.”

Инчунин ӯ дар нишасти матбуотӣ таъкид кард, ки мо ҳуқуқи муҳоҷиронро ҳимоя мекунем ва ин корро хоҳем кард.

Ёдовар мешавем, ки қаблан Русия аз норасоии нерӯи корӣ хабар дода буд ва дар навбати худ муовини сарвазир Марат Хуснуллин гуфта буд, ки тақрибан 5 миллион муҳоҷири меҳнатӣ бояд то соли 2024 ба сохтмонҳои Русия ҷалб карда шаванд.

“То соли 2024 ба мо на камтар аз 5 миллион захираҳои меҳнатӣ лозим мешавад. Ҳоло мо бо дастури сарвазир дар ин масир кор карда истодаем, ки чихел бояд кард то боварӣ ҳосил намоем, ки ин равиш барои рушди кишвар таъсири бештар бидиҳад”, – гуфт Хуснуллин.

Қаблан мақомоти Русия шаҳрвандони ғайриқонунии Тоҷикистонро 247 ҳазор гуфта буданд. Аммо мақомоти Тоҷикистон ин рақамро “аз ҳад зиёд” номид ва изҳор дошт, ки ин рақам тӯли солҳо ҷамъ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.