5.9 C
Dushanbe

Тоҷикистон имсол зиёда 1.5 миллон муҳоҷири корӣ ба Русия фиристод

Аз якуми январ то 30-юми октябри соли ҷорӣ зиёда аз якуним миллион муҳоҷири меҳнатии Тоҷикистон барои кор ба Русия рафтааст.

Возорати корҳои дохилии Русия бо нашри як феҳристи оморӣ дар бораи вуруди муҳоҷирони ба қаламрави ин кишвар гуфтааст, ки дар соли 2021 Ӯзбекистон дар мақоми аввал буда, аз ин кишвар барои кор ба Русия 3 миллиону 54 ҳазору 180 нафар сафар кардааст.

Ба гуфтаи ин манбаъ, тайи 11 моҳи соли аз Тоҷикистон барои кор ба Русия 1 миллион 597 ҳазору 481 нафар рафтааст ва Тоҷикистон дар раданбандии содироти муҳоҷирони корӣ ба Русия пас аз Ӯзбекистон дар мақоми дуюм қарор гирифтааст.

Аммо мақомоти Тоҷикистон ҳамеша омори муҳоҷиронро кам нишон медиҳанд. Бино ба маълумоти Хадамоти муҳоҷирати Тоҷикистон, дар 10 моҳи соли ҷорӣ 331 ҳазору 353 нафар аз кишвар барои ҷустуҷӯи кор ба Федератсияи Русия сафар кардааст.

Тибқи омори ин феҳристи нашр шуда, Қирғизистон бо ирсоли 623 ҳазору 465 нафар дар ҷои сеюм ва Арманистон бо фиристодани 298 ҳазору 801 нафар дар мақоми чорум қарор доштанд.

Гуфтанист, дар давоми моҳҳои аз январ то октябри соли ҷорӣ зиёда аз 10 миллиону 615 нафар барои кор ба Русия рафатааст, ки наздик ба 50 дарсади онҳоро нерӯи кории се кишвари Осиёи Марказӣ, Ӯзбекистону Тоҷикистон ва Қирғизистон ташкил медиҳанд.

Гуфта мешавад, Русия ягона кишвари мақсади кор барои муҳоҷирони кории тоҷик нест, ки балке яке аз онҳост. Муҳоҷирони кории тоҷик бар иловаи Русия ба кишварҳои Қазоқистону Туркия, кишварҳои узви Иттиҳоди Аврупо ва Амрико, Канада ва кишварҳои ҳавзаи Халиҷи Форс ҳам сафар мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.