Иқтисод

236 миллион доллари ХБА ба Тоҷикистон

Сандуқи Байналмилалии Асъор (ХБА) аз 23 августи соли ҷорӣ эътибор пайдо кардани тақсимоти ҳуқуқҳои махсуси қарзиро(СДР) ба маблағи 650 миллиард доллар эълон кард.

Ба гуфтаи директори иҷроияи ХБА, хонум Кристалина Георгиева, ин тақсимот ҳамчун такони ҷиддии иқтисоди ҷаҳонӣ хизмат хоҳад кард ва агар оқилона истифода шавад, як имконияти беҳамто барои рафъи бӯҳрон хоҳад буд.

Ҳамчунин гуфта мешавад, ки бо ин тақсимот иқтисоди ҷаҳонӣ, тавассути пур кардани захираҳои асъории кишварҳо ва коҳиш додани вобастагии онҳо аз қарзҳои гаронтари дохилӣ ё хориҷӣ, пардохтпазирии иловагӣ ба даст меорад.

Кишварҳо метавонанд захираҳои молиявии дар доираи ин тақсимот пешбинишударо барои дастгирии иқтисоди миллӣ ва тақвияти мубориза бо бӯҳрон истифода баранд.

Тибқи тақсимот, Тоҷикистон 236 миллион доллар (СДР) мегирад. Дар байни кишварҳои Осиёи Марказӣ бештар Қазоқистон - 1,6 миллиард доллар, Ӯзбекистон 750 миллион доллар, Туркманистон 325 миллион доллар ва Қирғизистон 242 миллион доллар мегиранд.

Ёдовар мешавем, ки соли гузашта ХБА барои мубориза бо пандемияи COVID-19 ба Тоҷикистон 189,5 миллион доллар ҷудо карда буд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Иқтисод

Иқтисод

Афзоиши сармоягузориҳои Кореаи Ҷанубӣ дар Тоҷикистон

Иқтисод

Кумаки як миллиард еврои ИА ба Афғонистон

Иқтисод

3 миллион доллари ФАУР ба Тоҷикистон

Иқтисод

Кумакхоҳии Тоҷикистон аз Бонки ҷаҳонӣ ва Сандуқи ҷаҳонии пул