Иқтисод

250 миллон доллар хисороти офатҳои табиӣ ба Тоҷикистон

Президенти Тоҷикистон дар мулоқот бо Дабири кулли Созмони Милали Муттаҳид гуфт, ки бинобар тағйирёбии иқлим дар чанд соли ахир "ҳазор пирях дар Тоҷикистон об шудааст."

Бино ба иттилои Хадамоти матбуоти Президенти Тоҷикистон, дирӯз, 8-уми ноябри соли 2022 Эмомалӣ Раҳмон дар ҳошияи Иҷлоси бисту ҳафтуми Конфронси ҷонибҳои Конвенсияи қолабии Созмони Милали Муттаҳид оид ба тағйирёбии иқлим (КОП-27) дар Миср бо Дабири кулли Созмони Милали Муттаҳид Антонио Гутерриш мулоқот кард.

Дар рафти ин мулоқоти Эмомалӣ Раҳмон таъкид кард, ки "тайи чанд даҳсолаи охир дар Тоҷикистон як ҳазор пирях пурра об шудааст. Офатҳои табиӣ ба иқтисодиёти кишвар 250 миллион доллар зарари моливу моддӣ расонида, дар бисёр мавридҳо боиси талафоти ҷонӣ ҳам гаштааст."

Гуфта мешавад, бо вуҷуди он ки Тоҷикистон дар ҳудудаш зиёда 60 дарсади оби Осиёи Марказиро дорад ва зиёда аз 98 фисади нерӯи барқи худро аз ҳисоби захираҳои барқароршаванда, яъне “энергияи сабз”, бахусус гидроэнергетика ба даст меорад, вале ҳамоно дар муддати 30 соли раҳбарии Эмомалӣ Раҳмон натавонистааст, ки ба истиқлоли энергетикӣ даст пайдо кунад.

Ҳукумат қисме аз тавлиди нерӯи барқи худро ба Афғонистону Қирғизистон ва Узбекистон мефурӯшад ва сокинони кишварро маҷбур мекунад, ки хонаҳои худро бо зуғолсанг гарм кунанд. Ин дар ҳолест, ки истифодаи зиёди зуғолсанг ба шиддат гирифтани тағйирёбии иқлим кумак мекунад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Иқтисод

Иқтисод

Истеҳсоли маҳсулот дар вилояти Хатлон 6% афзоиш ёфт

Тоҷикистон

Бонки Рушди Авруосиё дар НОБ-и "Роғун" сармоягузорӣ мекунад

Ҷаҳон

Қарордоди 15-солаи Олмон ва Қатар дар бораи хариди газ

Иқтисод

БРА: Иқтисоди Тоҷикистон соли 2023 рушд мекунад