21.9 C
Dushanbe

Барои гирифтани $2500 афв, барои напардохтани 250 сомонӣ зиндонӣ

Агентии зидди фасоди Тоҷикистон аз боздошти як корманди Донишгоҳи миллии Тоҷикистон бо иттиҳоми қаллобӣ дар ҳаҷми зиёд ва дарҳол афв шудани ӯ хабар медиҳад.

Бино ба иттилои Агентии назорати давлатии молиявӣ ва мубориза бо коррупсияи Тоҷикистон, Эгамов Даврон Абдуҳабибович дар вазифаи сармутахассиси шуъбаи бақайдгирӣ ва низоми таҳсилоти кредитии ДМТ кор карда, ба порагирӣ даст задааст.

Гуфта мешавад, Эгамов барои дохилшавии як шаҳрванди Тоҷикистон ба шуъбаи ғоибонаи факултети ҳуқуқшиносии ДМТ аз ӯ 2,5 ҳазор доллари амрикоӣ талаб карда, ҳангоми гирифтани он аз ҷониби кормандони Агентӣ дастгир мешавад.

Агентии назорати давлатии молиявӣ ва мубориза бо коррупсия хабар медиҳад, ки дар аввал нисбати Даврон Эгамов бо моддаи 247 (Қаллобӣ)-и Кодекси ҷиноятии Ҷумҳурии Тоҷикистон парвандаи ҷиноӣ оғоз гардида буд ва баъдан дар робита ба татбиқи қонун “Дар бораи авф” парвандаи ҷиноӣ нисбати ин корманди ДМТ қатъ гардид.

Мавриди авф қарор гирифтани корманди ДМТ, ки бо маблғи 2,5 ҳазор доллар дастгир шудааст, суолҳоеро дар зеҳни ҷоме халқ карда, ки чаро як нафар бо гирифтани пора ба миқдор зиёд афв карда мешавад, аммо Иззат Амон, ҳомии ҳуқуқи муҳоҷирон, барои напардохтани 250 сомонӣ мавриди афв қарор нагирифт ва барои 9 сол равонаи зиндон шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.