26.9 C
Dushanbe

3,1 миллион сомонӣ ҷаримаи шаҳрвандон барои риоя накардани қонуни танзим

Маблағи умумии ҷаримаҳо барои нақзи қонун “Дар бораи танзими анъана ва ҷашну маросим” дар соли 2021 ҳудуди 3,1 миллион сомониро ташкил додааст. Дар ин бора Сулаймон Давлатзода, раиси Кумитаи дини кишвар дар нишасти матбуотӣ ба рӯзноманигорон хабар дод.

Ба гуфтаи ӯ дар соли гузашта дар Тоҷикистон 123353 туй ва ҷашну маросимҳои халкӣ ба кайд гирифта шуда, ин нишондод нисбат ба соли 2020, 28 ҳазору 48 адад зиёд аст.

Дар ин муддат додгоҳҳои кишвар 681 парвандаи маъмурӣ барои нақзи қонун дар бораи танзимро баррасӣ кардаанд, ки нисбат ба соли 2020, 72 парванда зиёд аст. Аз ин шумора 13-тои онҳо қатъ гардида, аз рӯи 668 парвандаи маъмурӣ чораҳои дахлдор андешида шудаанд.

Маблағи умумии ҷарима барои нақзи қонуни мазкур 3 миллиону 96,5 ҳазор сомониро ташкил додааст.

Шаҳрвандони кишвар аз он шикоят доранд, ки бо қабули ин қонун дар соли 2009 сатҳи фасод боло рафта, танзимгарон бештар мардуми оддиро ҷарима мебанданд ва вазирону наздикони раисиҷумҳур, ки ҷашну туйҳои серхарҷ баргузор мекунанд, боре ҳам ҷарима нашудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вазир: Тақсимоти барқ ғайри қаноатбахш аст

Вазири энергетика ва захираҳои оби Тоҷикистон фаъолияти нимсолаи аввали...

ВКД: 3 кӯдак 10 ҳазор сомониро дузиданд

Вазорати корҳои дохилаи Тоҷикистон бо нашри як иттилоия се...

Собиқ ректори Донишгоҳи Давлатии Хуҷанд ба 7 соли зиндон маҳкум шуд

Додгоҳи вилояти Суғд Аюб Усмонзода, ректори собиқи Донишгоҳи Давлатии...

Тоҷикистон мехоҳад аз Қатар пул бигирад

Тоҷикистон аз Қатар хостааст, ки "дар бахшҳои афзалиятноки иқтисодиёт"-и...