Тими миллии наврасони то 17-солаи Тоҷикистон дарвозаи дастаи наврасони ҷазираи Гуамро голборон карданд.
Бино ба иттилои расонаҳо, 23-юми октябр дастаи миллии наврасони то 17-солаи Тоҷикистон дар даври аввали марҳилаи интихобии Ҷоми Осиё-2025 ба дарвозаи дастаи Гуам 33 гол заданд.
Ба қавли манбаъ, бозии дастаи миллии то 17-солаи Тоҷикистон ва дастаи яккачини Гуам, ки дар Сингапур баргузор шуд, Тоҷикистон бо ҳисоби 33:0 алайҳи Гуам пирӯз шуд.
Пас аз ин бозӣ Тоҷикистон дар сархати гурӯҳи “J” қарор гирифта, фардо 25-уми октярб бозии навбатии худро бо тими миллии наврасони то 17-солаи Сингапур баргузор мекунад ва дар бозии охир қарор аст, 27-уми октябри соли ҷорӣ ба масофи тими миллии наврасони то 17-солаи Уммон биравад.
Гуфта мешавад, Гуам – ҷазираест дар Микронезия, дар қисми ғарбии уқёнуси Ором ҷойгир буда, мақоми қаламрави ғайримуташаккили Иёлоти Муттаҳидаи Амрикоро дорад.
