9.9 C
Dushanbe

400 миллион евро барои Месси

Дастаи Ал-Ҳилоли Арабистони Саудӣ барои ҷалби футболбози шинохтаи дунё Лионел Месси омодааст, ки солона 400 миллион евро харҷ кунад.

Бино ба иттилои расонаҳо, раҳбарони дастаи Ал-Ҳилоли Арабистони Саудӣ ба Лионел Месси, ситораи футболи аргентинӣ, солона 400 миллион евро пешниҳод кардаанд, то ба ин даста бипайвандад.

Ба қавли расонаҳо, Ал-Ҳилол гуфтааст, ки ин 400 миллион евро бидуни пардохтҳои андозҳо ва дигар намуди молиёт ҳисоб карда шудааст. Маблағе, ки дар таърихи футболи дунё то ҳол ба ҳеч яке аз бозингарон пешниҳод нашудааст.

Пеш аз ин дастаи Ан-Насари Арабистони Саудӣ бо имзои қарордоде ба маблағи 200 миллион евро дар сол футболбози партугалӣ Криштиану Роналдуро ҷалб карда буд.

Гуфта мешавад, дар сурати қабули ин пешниҳоди дастаи Ал-Ҳилол, Лионел Месси нахустин футболбозе дар дунё хоҳад буд, ки танҳо аз имзои як қарордоди варзишӣ даромади рӯзонааш наздик ба 1 миллону 100 ҳазор евроро ташкил медиҳад.

Лионел Мессии 35-сола, ки 30-уми июни соли ҷорӣ шартномааш бо Пари Сен-Жермен (ПСЖ)-и Фаронса ба анҷом мерасад, то ҳол ба сурати расмӣ дар бораи ин пешниҳоди торихӣ ва пайвастан ба ин дастаи Арабистони Саудиро шарҳ надодааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.