6 миллиону 560,7 ҳазор доллар кумаки башардӯстона ба Тоҷикистон дар се моҳи аввали имсол

Аз аввали сол ба Тоҷикистон аз 30 кишвари хориҷӣ кумаки башардӯстона дар шакли доруворӣ хурокворӣ ворид ворид шудааст.

Бино ба иттилои “Avesta” ҳаҷми кӯмакҳои башардӯстонае, ки  дар моҳҳои январ-феврали соли равон ворид шудаанд беш аз 6 миллиону 560,7 ҳазор долларро ташкил дод.

Дар маҷмӯъ Тоҷикистон зиёда аз 1,4 ҳазор тонна кӯмаки башардӯстона гирифтааст.

Дар ин давра ба Тоҷикистон орд, равғани растанӣ, доруворӣ ва ғайраҳо ҳамчун кумакҳи башардӯстона ворид шуданд.

Се донори асосии Тоҷикистон Чин - 32,5%, Русия - 12,9% ва Ҷумҳурии Корея - 11,4% мебошанд.

Ёдовар мешавем, ки соли гузашта Тоҷикистон аз 62 кишвар ба маблағи умумии беш аз 55,8 миллион доллар кумаки башардӯстона дарёфт намуд. Дар маҷмӯъ, кишвар беш аз 22,5 ҳазор тонна кумаки башардӯстона дарёфт карда буд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.