Президенти Тукрманистон ҳамроҳ бо гурӯҳе аз тоҷирон ва ҳунармандони кишвараш бо сафари расмӣ ба Тоҷикистон меравад.
Бино ба иттилои расонаҳо, рӯзҳои 10-11-уми апрели соли 2023 Сардор Бердимуҳамедов, Президенти Туркманистон дар раъси як ҳайъати расмӣ вориди Душанбе хоҳад шуд.
Ба қавли расонаҳо, дар ин сафари дурӯза Президенти Туркманистонро ҷамъе аз тоҷирону сармоягузорон ва ҳунармандону овозхонони кишвараш низ ҳамроҳӣ мекунанд.
Тибқи рӯзномаи ин сафар, пас аз дидори сарони давлатҳо, форуми тиҷоратии Тоҷикистону Туркманистон низ дар шаҳри Душанбе баргузор гардида, қарор аст дар он ҳудуди 300 нафар тоҷирону соҳибкорон аз манотиқи мухталифи ҳар ду кишвар иштирок кунанд.
Гуфта мешавад, дар доираи ин сафар консерти фарҳангии ҳунармандону овозхонони туркманистонӣ дар якҷоягӣ бо ҳамтоёни тоҷикистониашон баргузор хоҳад шуд.
Ҳамзамон дар назар аст, тайи ин сафар ҷонибҳо дар бораи тавсеаи ҳамкориҳои тиҷоратӣ, иқтисодӣ ва тарназити молу колоҳои тиҷоратӣ байни ду кишвар гуфтугӯ кунанд.