16.9 C
Dushanbe

Оғози таҳқиқот дар бораи чӣ гуна ифшо шудани иттилооти сиррии Пентагон

Вазорати адлияи Амрико дар бораи чӣ гуна ифшо шудани иттилооти ниҳоят махфии кишвараш таҳқиқотро оғоз кардааст.

Пас аз ифшо шудани иттилооти дорои маълумоти ниҳояти махфии Вазорати дифои Амрико, Вазорати адлияи ин кишвар таҳқиқоти густардаро дар мавриди пайдо кардани манбаъ ва ифшогари асосии ин иттилоот оғоз кардааст.

Бино ба иттилои Ожонси хабарии Бохтар, ифшои ин асноди маҳрамона, бавежа маълумоти ҳассос дар бораи ҷанги Украина мақомоти низомии Амрикоро сахт нигарон кардааст. Зеро дар ин асноди маҳрамона ҷузъиёти заъф дар артиши Украина, ба хусус камбуди муҳиммот ва падофанди ҳавоӣ зикр шудааст.

Тибқи асноди ифшошуда, Миср барои таъмини даҳҳо ҳазор силоҳи навъи мушакӣ бо Русия мувофиқат кардааст. Гуфтанист, худи Абдулфаттоҳ Сисӣ, раисҷумҳури Миср ба нерӯҳои низомияш дастур дода, ки ҳангоми интиқоли аслиҳа ба Русия аз сиррияти том истифода кунанд, ки мабодо дар сурати ифшо шудани маълумот “бо Ғарб ба мушкилӣ рӯбарӯ нашавад”. Аммо мақмоти Миср инро рад мекунаднд.

Гуфта мешавад, тибқи нишондодҳои ин асноди маҳрамона, ҷосусони Амрико дар артиши Русия нуфузи амиқе доштаанд ва ҳамзамон Вашингтон аз кишварҳои ҳомӣ ва муттаҳиди худ низ ҷосусӣ намудааст.

Ёдовар мешавем, ки “The Washington Post” асноди ифшошудаи махфии беш аз 50 саҳифагии Пентагон ва Идораи марказии иктишофии Амрикоро нашр кард, ки дар он гуфта мешавад, дар аввалҳои моҳи феврали соли ҷорӣ ширкати хусусии низомии “Вагнер”-и Русия барои харидани яроқ ба ҷангиёнаш дар Малӣ ва Украина бо Туркия – кишваре, ки ба ҳайати НАТО дохил аст, гуфтушунид анҷом додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналдо 900-умин голи торихиашро зад

Мунтахаби Португалия дар даври 1-уми Лигаи миллатҳо дар мавсими 2024/25 дар майдони худ бар тими Хорватия бар ҳисоби 2.1 пирӯз шуд.

Ихроҷи муҳоҷирон аз Русия 50% афзоиш ёфт

Вазорати корҳои дохилии Русия 6-уми сентябри соли ҷорӣ зимни интишори гузорише аз афзоиши 50 дарсадии ихроҷи муҳоҷирон хабар дод.

Аввалин ҷоизаи давлатӣ ба Далер Назаров

Далер Назаров, овозхони саршиноси тоҷик дар 65-солагӣ баъд аз даҳсолаҳо хунарнамоӣ дар саҳнаи ҳунар ба Ҷоизаи давлатии Абӯабдуллоҳи Рӯдакӣ қадрдонӣ шуд.

Эълони номзадҳо барои ҷоизаи “Тӯби тиллоӣ” ҷаҳонро дар ҳайрат монд

Пас аз эълони номзадҳо аз ҷониби "France Football" барои дарёти ҷоизаи "Тӯби тиллоӣ" расонаҳои ҷаҳон мепурсанд, "Кӣ Лионел Мессиро иваз мекунад?"