Эмомалӣ Раҳмон имрӯз, 1-уми сентябр зимни суханронияш дар Донишгоҳи давлатии тиббии Хатлон дар ноҳияи Данғара бо нигаронӣ аз таҳлилгарон гуфт, ки набояд соҳаи маорифро мавриди интиқод қарор бидиҳанд, зеро шумори аҳолӣ зиёд шуда ва талабот барои ҷойи нишаст дар мактабҳо ҳам афзоиш ёфтааст.
1-уми сентябр дар Тоҷикистон Рӯзи дониш ҷанш гирифта мешавад. Эмомалӣ Раҳмон ҳар сол дар ин рӯз бо гузаронидани “Дарси сулҳ” суханронии вежае дорад.
Ӯ имрӯз зимни суханронӣ дар “Дарси сулҳ”-аш мисли ҳамеша аз солҳои ҷангу вазъияти номуносиб барои таҳсил мисол оврада, таъкид кард, ки ӯ бо ҳукуматаш пас аз соли 2000-ум имкон пайдо карданд, ки ба соҳаи маориф машғул шаванд.
Эмомалӣ ҳамчун ишора кард, ки дар қиёс ба солҳои то истиқлол нуфуси аҳолӣ афзоиш ёфта, теъдоди донишомӯзону макатабҳо низ зиёд шудааст. Ӯ мегӯяд, дар қиёс ба он солҳо шумораи донишгоҳу донишкадаҳо чор баробар ва донишҷӯён се баробар афзудааст.
Зимни суханронияш раисҷумҳур аз баъзе таҳлилгароне, ки ба қавли Хадамоти Президент, бунёдкориҳои соҳаи маорифро нодида мегиранд, изҳори нигаронӣ карда, гуфт, ки “Онҳо фаромӯш намудаанд, ки аҳолии Тоҷикистон дар замони соҳибистиқлолӣ қариб ду баробар зиёд гардид. Афзоиши аҳолӣ, пеш аз ҳама, ба соҳаи маориф таъсир мерасонад. Яъне талабот ба мактаб ва ҷойи нишаст барои хонандагон зиёд мешавад.” Вале ба гуфтаи ӯ, бо вуҷуди ин дар кишвар ҳар сол то 200 мактаб барои хонандагон бунёд мешавад.
Ин дар ҳолест, ки дар баъзе минтақаҳои дурдасти кишвар чанд деҳа як мактаб доранд ва он ҳам дар солҳои 80-90-уми асри гузашта сохта шудаанд. Аммо дар баъзе манотиқи кишвар мактабҳои замонавӣ зиёд сохта мешаванд.
Ду рӯзи пеш манобеи Azda.tv аз Вилояти Мухтори Кӯҳистони Бадахшон иттилоъ доданд, ки мақомоти ноҳияи Дарвоз фаъолияти бархе мактабҳои ҳамагонии деҳаҳои атрофи ҷамоати деҳоти “Қалъаи Хумб”-ро қатъ ва ё маҳдуд карда, волидони хонандагони мактабҳоро маҷбур доранд, ки фарзандони худро ба мактаби нав фиристанд.
Чанде пеш дар ин ноҳия Гимназияи №1 барои хонандагони болаёқат дар ҷамоати деҳоти “Қалъаи Хумб” сохта шуд, ки 15-уми августи соли ҷорӣ худи Эмомалӣ Раҳмон онро ифтитоҳ кард. Ин мактаб барои 840 хонанда пешбинӣ шудааст.
Сокинони деҳаҳои Умарак ва Даштаки ноҳияи Дарвоз аз он шикоят доштанд, ки ҳар дуи ин деҳаҳо мактабҳои нави худро доранд, вале мақомот дари онҳоро баста, волидонро маҷбур доранд, ки фарзандони худро ба Гимназияи нав дар Қалъаи Хумб шомил кунанд. Масофа байни ин гимназия ва деҳаи Умарак ҳудуди 3 километр роҳ будааст.
Бо вуҷуди ҷой доштани мушкилоти зиёд дар соҳаи маориф, аз қабили ришварву фасод, хешутаборбозӣ ва нарасидани кадрҳои мутахассис ба сабаби кам будани маош, боз Эмомалӣ Раҳмон аз
Бо вуҷуди ҷой доштани мушкилоти зиёд дар соҳаи маориф, аз қабили ришварву фасод, хешутаборбозӣ ва нарасидани кадрҳои мутахассис ба сабаби кам будани маош, боз Эмомалӣ Раҳмон
Бо вуҷуди ҷой доштани мушкилоти зиёд дар соҳаи маориф, аз қабили ришварву фасод, хешутаборбозӣ ва нарасидани кадрҳои мутахассис ба сабаби кам будани маош, боз Эмомалӣ Раҳмон аз таҳлилгарон ва озодандешон мехоҳад дар бораи ин мушкилот ҳарф назанд.
