Намояндагони парлумони Либия рӯзи 25-уми октябри соли ҷорӣ бо нашри изҳороте аз сафирони чанд кишвар хостанд, хоки ин кишаварро фавран тарк кунанд.
Парлумони Либия дар изҳороти худ, ки дирӯз дар сомонаи расмияш нашр шуд, кишварҳои Амрико, Бритониё, Фаронса ва Итолиёро ҳомиёни аслии Исроил дониста, таъкид карда, ки Исроил дорад мардуми Ғаззаро “қатли ъом” мекунад. Низ таъкид мешавад, ки дар сурати идомаи ҳамлаҳои Исроил болои мардуми Ғазза бояд сафирони ин кишварҳо аз Либия берун карда шаванд.
Ҳамчунин дар баёнияи парлумон омада, ки “агар куштори бегуноҳон тавассути Исроил дар Ғазза мутаваққиф нашавад, “мо аз давлати Либия мехоҳем, ки содироти нафту газ ба кишварҳои ҳомии Исроилро қатъ кунад.”
Парлумони Либия мегӯяд, ин кишварҳои мазкур дар ҳоле аз ҳамлаҳои мушакии Исроил болои мардуми Ғазза ва куштани кӯдакону ҷиноёти он ҳимоят мекунанд, ки раҳбаронашон ҳамеша дам аз демократия ва ҳуқуқи инсон мезананд.
Дар яке аз бандҳои баёния намояндагони парлумони Либия дар мавриди кӯчонидани иҷбории фаластиниҳо аз Ғазза ба дигар ҷой ишора карда, гуфтанд, ки “мо бо қотеъияти том масъалаи кӯҷонидани фаластиноҳоро ба ҳар шакле, ки набодаш, маҳкум мекунем.”
