Эрон, Афғонистон ва Тоҷикистон дар нишасти сеҷониба, роҳҳои густариши ҳамкориҳои транзитӣ ва ҳамлу нақл тавассути роҳҳои мошингард миёни се кишварро баррасӣ карданд.
Тибқи иттилоъи Вазорати роҳ ва шаҳрсозии Эрон, ин нишаст дар таърихи 14 ва 15 июл дар шаҳри Машҳад, маркази вилояти Хуросони Разавӣ, бо ҳузури мақомоти се кишвар баргузор шуд.
Ба гуфтаи ин вазорат, дар ин нишаст тақвияти ҳамкориҳои сеҷониба дар бахши ҳамлу нақли коло тавассути роҳҳои мошингард, фаъолсозии долонҳои транзитӣ, афзоиши додугирифти тиҷоратӣ ва тавсеаи ҳамкориҳои минтақавӣ будааст.
Вазорати роҳ ва шаҳрсозии Эрон таъкид кардааст, ки ин ибтикор метавонад раванди тиҷорати байналмилалиро сабуктар сохта ва боиси рушди иқтисод дар минтақа гардад.
Ин вазорат афзудааст, ки нишасти Машҳад қадаме муҳим барои баҳрагирии беҳтар аз зарфиятҳои муштараки се кишвар, тақвияти пайвандҳои минтақавӣ, афзоиши нақши минтақа дар долонҳои байналмилалии ҳамлу нақл ва тавсеаи зербиноҳои транзитӣ ба шумор меравад.
Дар ҳамин ҳол, «Тренд Нюз» дар таҳлиле навиштааст, ки ин нишаст метавонад заминасози эҷоди роҳҳои нави транзитӣ дар минтақа бошад ва бо роҳбурди Эрон барои густариши ҳамкорӣ бо Осиёи Марказӣ ҳамсу аст. Бар асоси ин таҳлил, тавсеаи ҳамкориҳои ҳамлу нақл бо Афғонистон ва Тоҷикистон метавонад дастрасӣ ба бозорҳои Осиёи Марказиро беҳбуд бахшида ва ба афзоиши даромадҳои транзитии минтақа кумак кунад.
