Дар пайи даъвати Кумитаи дифои журналистон аз Раҳмон, ки ба қонуни ҷазо барои пахши “ахбори ғалат” имзо нагузорад, Вазорати хориҷии Амрико низ вокуниш кардааст. Вазорати хориҷии Амрико бо нашри паёме дар твитераш аз баёняи Кумитаи дифоъ аз рӯзноманигорон ҳимоят карда, аз тасвиби қонуни муҷозот барои нашри “ахбори ғалат” изҳори нигаронӣ кардадаст.
“Мо аз он нигаронем, ки қонуни ҷадид дар бораи муҷозоти “ахбори ғалат” метавонад озодии суханро маҳдуд кунад ва барои ба даст овардани ҳақиқат монеи кори хабарнигорон шавад”.
Дар ин паёми кӯтоҳ дар твиттер Вазорати умури хориҷаи Амрико менависад, ки расонаҳои мустақил дар даврони КОВИД-19 нақши асосиро ифо мекунанд. Фаъолони иҷтимоӣ умедворанд, ки раиси ҷумҳур Эмомалӣ Раҳмон қонуни баҳсбарангезро имзо нахоҳад кард. Ба қавли намояндагони ҷомеаи шаҳрвандӣ, чунин муқаррарот баҳонае барои таъқиби фаъолон ва рӯзноманигорони мустақил мегардад. Пештар Созмони Гузоришгарони Бидуни Марз дар изҳороте гуфт буд, таъини ҷарима барои ба истилоҳ нашри “хабарҳои носаҳеҳ ё дурӯғ” дар бораи коронавирус “ба озодии баён осеб мерасонад”.
Бояд гуфт, ки пас аз ворид сохтани тағйирот дар қонуни пахши “ахбори ғалат” дар бораи коронавирус аз 580 сомонӣ то 11600 сомонӣ ҷарима пешбинӣ шудааст. Ҷазо барои пахши “ахбори ғалат” баъди тасвиб аз сӯи ҳарду палатаи порлумон, баъди имзои раиси ҷумҳур ба иҷро медарояд. Баъд аз он мақомот метавонанд рӯзноманигорон ва корбарони шабакаҳо иҷтимоиро барои пахши “ахбори носаҳеҳ” дар бораи пандемияи коронавирус муҷозот кунанд.
Independent media play an essential role during #COVID19. We share CPJ’s @pressfreedom concerns that new legislation in Tajikistan on “false news” could limit #freedomofspeech and stop journalists from reporting the truth. Complete information is vital to protect public health. https://t.co/JrCKUk9EwT
— State_SCA (@State_SCA) July 2, 2020
