Бино ба иттилои дафтари матбуотии Кумитаи ҳолатҳои фавқуллода ва мудофияи граждании Ҷумҳури Тоҷикистон дар ҷамоати Ориёнои ноҳияи Ашт дар манзили истиқоматии як сокин сӯхтор ба амал омадааст, ки дар натиҷа марди 76 сола ба ҳалокат расидааст
Сабаби сарзадани сӯхтор дар ин манзил риоя нагардидани қойдаҳои бехатарӣ ҳангоми истифодаи бухорӣ (печка) гуфта шудааст.
Ин рӯзҳо дар Тоҷикистон сармо ҳукмфармост ва шабона ҳам интиқоли барқ ба манзили сокинон дар деҳот қатъ мешавад. Дар чунин шароит сокинони деҳот барои гарм кардани манзил аз бухорӣ истифода мекунанд.
Феълан мақомоти дахлдор сабабҳои аслии сӯхтор ва ҳам ҳаҷми зарари расидаро муайян мекунанд.
