Рӯзи 29 апрел намояндаи махсуси Иттиҳоди Аврупо дар Осиёи Марказӣ Питер Буриан бо Вазири корҳои хориҷии Ҷумҳурии Тоҷикистон Сироҷиддин Муҳриддин гуфтугӯи телефонӣ анҷом дод.
Дар суҳбат вазъи марзи Тоҷикистону Қирғизистон баррасӣ шуд. Вазири корҳои хориҷӣ дар бораи вазъи кунунии минтақаҳои наздисарҳадии Тоҷикистон бо Қирғизистон ва чораҳои андешидашуда оид ба оташбас ва созишнома дар бораи ба эътидол овардани вазъ бо истифода аз роҳҳои сиёсӣ ва дипломатӣ гузориш дод.
Намояндаи махсуси ИА дар Осиёи Марказӣ аз қарори роҳбарияти Тоҷикистон дар масъалаи ба даст овардани созиш бо давлати ҳамсоя дар бораи оташбас, истиқбол кард.
Ҳамчунин зимни ин суҳбат Буриан аз омодагии ИА барои дастгирии техникӣ дар доираи татбиқи лоиҳаҳо ва барномаҳои муштарак дар марз гуфт.
