35.9 C
Dushanbe

Байни Тоҷикистону Қазоқистон 5 санад дар ҳаҷми 100 млн $ ба имзо расид

Рӯзи 17 май дар Душанбе форуми тиҷоратии соҳибкорони тоҷику қазоқ баргузор шуд. Дар ин ҳамоиш байни Тоҷикистону Қазоқистон 5 санади ҳамкорӣ дар соҳаи тиҷорат дар ҳаҷми умумии 100 млн доллари амрикоӣ ба имзо расид.

Ин чорабинии тиҷоратӣ дар ҳоле сурат мегирад, ки қарор аст рӯзҳои наздик Президенти Ҷумҳурии Қазоқистон Касим-Жомарт Токаев бо сафари расмии ба Тоҷикистон биёяд.

Бино ба гузориши “Авесто” дар форуми тиҷории мазкур 16 ширкати Қазоқистон ва тақрибан 100 ширкати ватанӣ ширкат варзиданд.

Гуфта шуд, ки гардиши мол миёни Тоҷикистон ва Қазоқистон дар соли 2020 909,8 миллион долларро ташкил додааст, ки нисбат ба соли 2019 5,3% камтар аст.

Соли гузашта Тоҷикистон ба Қазоқистон ба маблағи умумии 152,2 миллион доллар ва аз Қазоқистон ба маблағи 757,5 миллион доллар мол ворид кардааст.

Ҷониби Қазоқистон иттилоъ дод, ки молҳои асосии содиротии Тоҷикистон ба ин кишвар нерӯи барқ, пахта, алюминий ва маҳсулоти он, маъдан, меваю сабзавот, масолеҳи нассоҷӣ ва ғайра мебошанд.

Аммо маҳсулоти воридотӣ аз Қазоқистон ба Тоҷикистон ғалла, орд, инчунин равғанҳои ҳайвонот ва растанӣ, намак ва ғайра мебошад.

Гуфта мешавад, дар ин форуми тиҷоратӣ 5 санад ба имзо расида: се қарордод барои таҳвили маҳсулоти Қазоқистон ва ду ёддошти ҳамкорӣ ба маблағи умумии то 100 миллион доллар.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.