33.9 C
Dushanbe

Дар пайи ҳамлаи Ҳусиҳои Яман ба АМА нархи нафт гаронтар шуд

Бар асари ҳамлаҳои ахири нерӯҳои “Ансоруллоҳ”-и Яман ба Амороти Муттаҳидаи Араб нархи нафти наъви “

Нерӯҳои “Ансоруллоҳ-“и Яман субҳи дирӯз, 17-умин январ ба чанд нуқта дар Амороти Муттаҳидаи Араб, аз ҷумла фурӯдгоҳҳои байналмилалии Абузабӣ ва Дубай, 3 нафткаш ва минтақаи саноатӣ-тиҷоратии “Алмусаффаҳ” дар Абузабӣ бо 5 мушаки боллистикӣ ва чанд паҳдоди ҳарбӣ ҳамла карданд.

Нархи як бушка нафти хом, ки то дирӯз дар бозорҳои ҷаҳонӣ ба қимати то 85 доллари амрикоӣ фурӯхта мешуд, пас аз ин ҳамлаҳо ба Амороти Муттаҳидаи Араб, яке аз кишварҳои содиркунандаи нафт ба таври камсобиқа лаҳза ба лаҳза гаронтар шуд ва субҳи имрӯз як бушка аз ин навъи нафти хом дар биржаҳои ҷаҳонӣ бо қимати 88 доллару 08 сент ба фурӯш рафт.

Дар баробари қиматтар шудани нархи навъи нафти Brent навъи дигари он ҳам нархаш зиёдтар шуда, як бушка нафти хоми навъи WTI ҳам дар биржаҳои ҷаҳонӣ субҳи имрӯз бо қимати 85 доллару 08 сент фурӯхта шуд.

Гуфта мешавад, дар соли 2020 ва нимаи аввали соли 2021 замони ҳамагир шудани коронавирус нафт дар дунё харидори камтаре дошт, ва ба ин хотир нархи он дар биржаҳои ҷаҳонӣ хеле арзон шуда буд, аммо аз нимаи дуюуми соли гузашта то кунун қимати нафт ҳамеша тағйирёбанда буд, дар аксар маврид дар ҳоли гаронтар шудан будааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.