Дар Тоҷикистон наздики 90 дарсади сокинони аз 18-сола боло бар зидди COVID-19 эм карда шуданд.
Бино ба иттилои Вазорати тандурустӣва ҳифзи иҷтимоии аҳолии Тоҷикистон то 23 феврали соли равон беш аз 5 миллион сокини аз 18-сола боло дар кишвар алайҳи вируси COVID-19 эм карда шудаанд.
Тибқи иттилои Вазорати тандурустӣ 5 миллиону 8 ҳазору 284 нафар, яъне 89,4 дарсади аҳолии калонсоли ҷумҳурӣ ваксин гузаронида шудаанд. Аммо вояи дуюми ваксинро 4 миллиону 288 ҳазору 826 нафар гирифтаанд, ки ин 76,6 дарсади аҳолии калонсоли ҷумҳуриро ташкил медиҳад. 315 хазору 476 кас такроран эм карда шуд.
Тибқи омори Вазорати тандурустии Тоҷикистон аз оғози пандемия то имрӯз, шумори умумии мубталоён ба COVID-19 17388 нафарро ташкил дода, аз ин шумор 17252 бемор шифо ёфтаанд.
Аммо вазорат теъдоди фавтидагонро 124 нафар эълон кардааст, ки ба ин омор аксари корбарон ва фаъолон бовар надоранд.