Дар шаш моҳи аввали соли ҷорӣ ҳаҷми содироти молу колоҳо байни Тоҷикистону Афғонистон ба андозаи 6 миллион доллар зиёдтар шудааст.
Мақомоти гумруки Тоҷикистон эълон кардааст, ки дар шашмоҳаи аввали соли ҷорӣ тиҷорат байни Тоҷикистону Афғонистон афзоиш ёфтааст .
Ба гуфтаи мақомоти гумруки Тоҷикистон дар ин давраи ҳисоботӣ маҳсулоти содиротии Тоҷикистон ба Афғонистон асосан содироти семент, маҳсулоти кишоварзӣ ва хӯроквориро ташкил додааст.
Аммо, гуфта мешавад, дар ҳамин давраи ҳисоботӣ содироти нерӯи барқ аз Тоҷикистон ба Афғонистон нисбат ба ҳамин давраи соли гузашта коҳиш наёфтааст.
Тоҷикистон дар ин давраи ҳисоботӣ ба маблағи 50 миллион доллар зиёдтар ба Афғонистон нерӯи барқ содир кардааст.
Аз сӯи дигар мақомоти Толибон дар Афғонистон эълон кардааст, ки ба наздикӣ ҳудуди 13 миллион доллар аз пули барқи истифодашударо ба ширкати “Барқи тоҷик” пардохт мекунанд.
Толибон 11 моҳ қабл дубора дар Афғонистон ба сари қудрат омаданд ва то ҳол ҳеч кишваре, аз ҷумла Тоҷикистон ҳукумати онҳоро ба расмият нашинохтааст, бо вуҷуди расман эътироф накардани Толибон тиҷорат байни Тоҷикистону Афғонистон рушд кардааст.
