Дар остонаи яксолагии суқути ҳукумати пешини Афғонистон моршал Абдурашид Дӯстум, яке аз фармондеҳони ғайридавлатии ин кишвар иддао карда, ки онҳоро Толибон шикаст надода, балки Ашраф Ғанӣ ба онҳо хиёнат кардааст.
Тавре расонаи “Тулуънюс” хабар дод, ин суханҳоро Абдурашид Дӯстум, раиси Ҳизби ҷунбиши миллии Афғонистон дар як навори савтие, ки ба дасти ин расона расидааст, ба фармондеҳони худ мегӯяд, ноумед набошанд ва ҷанг дар баробари шикатс пирӯзӣ ҳам дорад.
Ӯ дар хитоб ба ҷонибдорони худ иддао карда, ки Толибон ӯро шикаст надодаанд, балки Ашраф Ғанӣ, собиқ раисҷумҳури Афғонистон ва НАТО ба вай “хиёнат” карданд.
Раиси Ҳизби ҷунбиши миллии Афғонистон таъкид карда, худи раисҷумҳур Ашраф Ғанӣ ва НАТО ӯро нагузоштанд, ки бо Толибон биҷангад.
Ин дар ҳолест, ки Ашраф Ғанӣ дар мусоҳиба ахираш бо шабакаи ANB шуморе аз мақомдорони собиқи кишвараш, аз ҷумла Абдуллоҳ Абдуллоҳ, собиқ раиси Шурои муолиҳаи миллии Афғонистонро зери интиқоди шадид қарор дод. Ӯ масъулияти шикасти ҳукуматашро ба дӯши онҳо бор кард.
