7.9 C
Dushanbe

БОР ба Тоҷикистон $43,2 млни дигар медиҳад

Бонки осиёии рушд барои беҳбуди амният ва эътимоднокии шабакаи роҳҳо дар ҷануби Тоҷикистон 43,2 миллион доллари амрикоӣ маблағгузории иловагӣ мекунад.

Бино ба иттилои БОР гранти иловагӣ барои таъмиру навсозии қитъаи роҳи масофааш 40 километр аз Оқмазор то Бохтар дар минтақаи сераҳолии Хатлон дар ҷануби Тоҷикистон масраф мешавад.

Директори генералии БОР дар Осиёи Марказӣ ва Ғарбӣ Евгений Жуков дар ин бора мегӯяд, ки “Бо назардошти мавзеи кӯҳистонӣ будан, надоштани роҳи баромад ба баҳр ва далели начандон фаъол будани дигар навъи воситаҳои нақлиёт дар равуои мардум ва интиқоли бору маҳсулот дар Тоҷикистон чи дар дохил ва чи дар хориҷ аз кишвар, роҳҳои автомобилгард нақши калидӣ доранд”.

Ба гуфтаи ӯ, БОР барои беҳбуди долонҳои нақлиётии байналмилалӣ ҳамаҷониба кумак кардааст ва айни замон барои беҳбуди шабакаи роҳҳои дохилии Тоҷикистон кор карда истодаанд.

Инчунин қисмате аз ин кумаки бебозгашт буда, барои мусоидат ва дастрасии занон ба фаъолияти иҷтимоӣ ва иқтисодӣ равона мегардад, ки ҳадафҳои аслии ин лоиҳа тавассути барномаҳои таълимӣ рушди малакаҳо дар идоракунӣ, оғози тиҷорат ва молия дар хонаводаҳо мебошад.

Дар хабари БОР қайд гардида, ки ин грант илова ба лоиҳаи грантии кунунии 67,5 миллион долларӣ мебошад, ки дар соли 2020 аз ҷониби Бонки Осиёии Рушд барои таъмиру навсозии қитъаҳои роҳи Данғара-Оқмазор ва Ҳулбук-Кангурт, рушди системаи идоракунии дороиҳои роҳ ва беҳтар намудани дастрасии занон ба имкониятҳои иқтисодиву иҷтимоӣ ба Тоҷикистон равона гардида буд.

БОР бузургтарин кумакрасони Тоҷикистон аст, ки аз соли 1998 ба ин тараф беш аз 2,5 миллиард доллар, аз ҷумла беш аз 1,8 миллиард доллари амрикоӣ кумаки молӣ, яъне грант додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вокуниши Вазорати хориҷаи Тоҷикистон ба вазъи тоҷикон дар Русия

Вазорати корҳои хориҷии Тоҷикистон вазъи шаҳрвандони Тоҷикистон дар Русияро нигаронкунанда ва мушкил арзёбӣ кардааст.

Аввалин тоҷик қаҳрамони куштии озоди Фаронса шуд

Рӯзҳои 27 ва 28-уми апрели соли ҷорӣ, дар шаҳри Тулузи Фаронсаи қаҳрамонии куштии озоди Фаронса миёни наврасон ва ҷавонон баргузор гардид.

Натанёҳу боздошт ва зиндонӣ мешавад?

Эҳтимол меравад Додгоҳи байналмилалии ҷиноӣ барои боздошти Бинёмин Натанёҳу, нахуствазири Исроил ҳукм содир кунад.

ВКХ: Шаҳрвандони Тоҷикистон бе зарурат ба Русия нараванд

Вазорати корҳои хориҷии Тоҷикистон бо нашри як иттилоия ба шаҳрвандони кишвар тавсия додааст, ки бе зарурат муваққатан ба Русия сафар накунанд.