Президенти Бонки аврупоии таҷдид ва рушд пас аз мулоқот бо Эмомалӣ Раҳмон дар Шарм-уш-Шайхи Ҷумҳурии Арабии Миср аз омодагии кумакҳои молии ин бонк ба Тоҷикистон хабар дод.
8-уми ноябри соли 2022 Раиси Бонки аврупоии таҷдид ва рушд пас аз мулоқот бо Эмомалӣ Раҳмон гуфтааст, ки “омода аст тарҳҳои марбут ба истиқлолияти энергетикӣ, манбаъҳои барқароршавандаи энергия ва инфрасохтори устувори Тоҷикистонро дастгирӣ кунад.” Дар ин бора Жужанна Харгитай, директори фондҳои муштараки маблағгузории ИА ва воситаҳои молиявии БАТР дар ҳисоби твиттриаш хабар дод.
Пеш аз ин, дар мулоқоти хонум Одил Рено-Бассо, Президенти Бонки аврупоии таҷдид ва рушд бо Эмомалӣ Раҳмон масъалаи ҷалби маблағҳои иловагӣ барои татбиқи лоиҳаҳои муҳим ва стратегии давлат, яъне “истиқлолияти энергетикӣ”, инчунин, дар шароити тағйирёбии иқлим дастрасии бештар ба “энергияи сабз” ва ташаккули “иқтисоди сабз” баррасӣ ва зарур шумурда шуда буд.
Гуфта мешавад, 7-уми ноябри соли ҷорӣ мулоқоти сарони Тоҷикистон ва Бонки аврупоии таҷдид ва рушд дар дар шаҳри Шарм-уш-Шейхи Ҷумҳурии Арабии Миср дар ҳошияи Иҷлоси бисту ҳафтуми Конфронси ҷонибҳои Конвенсияи қолабии Созмони Милали Муттаҳид оид ба тағйирёбии иқлим (КОП-27) сурат гирифта буд.
