Афзоиши босуръати гирифторӣ ба короновирус дар Амрико
Тибқи охирин гузориши расмии “World Meter” - сомонае, ки пайгири омори коронавирус аст, то имрӯз дар саросари ҷаҳон адади гирифторшудагон ба COVID-19 ба 48 милиону 700 ҳазор нафар расидааст.
Имрӯзҳо Амрико, ки шоҳиди маъракаи интихоботӣ асту рақобат миёни демократҳову ҷумҳурихоҳон тезу тунд гаштааст, шумораи сироятёфтагон ба ин вабо низ дар ҳоли афзоиш аст.
Мувофиқи сомонаи зикргардида то кунун дар Амрико дасти кам 9 милиону 816 ҳазору 927 нафар мубталои ин маризӣ гардидаанд. Аз миёни онҳо бар асари ин беморӣ 239 ҳазору 988 нафарашон вафот ёфтаанд.
Ин дар ҳоле аст, ки тамоми кишварҳои ҷаҳон, ба хусус давлатҳои Аврупо чораҳои пешгирӣ аз ин бемориро аз сар гирифта истодаанд. Ба гуфтаи Созмони байналмилалии беҳдошт ва баъзе мутахассисони соҳаи тиб, ҷаҳон дар арафаи мавҷи босуръати дуюми коронавирус қарор дорад.
Аммо омори гирифторон дар Тоҷикистон низ кам нест. Бино ба иттилои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар як шабонарӯзи охир дар ҷумҳурӣ 41 ҳолати нави гирифторӣ ба бемории COVID-19 сабт гардида, дар маҷмӯъ шумораи гирифторони ин беморӣ дар кишвар ба 11180 нафар расидааст ва бар асари ин беморӣ 83 нафар фавтидаанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.