33.9 C
Dushanbe

Афзоиши ҳаҷми қочоқи маводи мухаддир аз Афғонистон ба Тоҷикистон

Мақомоти Русия аз ду баробар афзоиш ёфтани ҳаҷми қочоқи маводи мухаддир аз Афғонистон ба кишварҳои Осиёи Марказӣ, ба хусус Тоҷикистон ҳушдор додаанд.

Владимир Кулишов, муовини аввали раиси Хадамоти амнияти федероли Русия дар мусоҳибае бо “Российской газете” гуфта, ки дар соли 2021 ҳаҷми интиқоли маводи мухаддир аз Афғонистон ба кишварҳои Осиёи Марказӣ ду баробар афзоиш ёфтааст.

“Танҳо дар Ҷумҳурии Тоҷикистон дар соли 2021 беш аз 3,5 тонна маводи мухаддир кашф ва мусодира шудааст, ки ин муомилоти ғайриқонунӣ дар соли 2020 ба 1,7 тонна баробар буд”, мегӯяд Кулишов.

Ба гуфтаи Кулишов, вазъияти душвори Афғонистон боиси пайдошавӣ ва ташдиди гурӯҳҳои ҷинояткори “мутахассис дар тавлид ва қочоқи маводи мухаддир” ба кишварҳои ҳамсоя гаштааст.

Муовини якуми Хадамоти амнияти федероли Русия мегӯяд, ҳамчунин вазъи мавҷуда дар Афғонистон хатари “ҳуҷуми паноҳҷӯён”-ро ба кишварҳои ҳамсоя, минтақаи Осиёи Марказӣ ва Русия бештар мекунад ва аъзои созмонҳои террористии байналмилалӣ фаъолтар мегарданд.

Бо мақсади пешгирӣ ва дур сохтани таҳдидҳо, ба монанди қочоқи маводи мухаддир ва вуруди ғайриқонунӣ ба қаламрави Русия “мо бо шарикони тоҷику қирғизу қазоқ ҳамкории зич дошта, дар баъзе мавридҳо чорабиниҳои муштараки пешгирикунанда ва оперативӣ-ҷустуҷӯиро амалӣ менамоем.”, мегӯяд Кулишов.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.