28.9 C
Dushanbe

Афзоиши мушкилот ва навбатпоиҳои тӯлонии муҳоҷирон дар назди (ФМС)-и Русия (Видео)

То ҳол дар назди марказҳои муҳоҷират дар шаҳрҳои Русия муҳоҷирон барои тартиби аснод ва гирифтани иҷозатномаҳои корӣ рӯзҳо ва ҳафтаҳо навбатпоӣ мекунанд, вале корашон ба сустӣ пеш меравад.

Як гурӯҳ аз корбарон рӯзи 23 июн бо ирсоли аксу наворҳо ба “Аздо тв” хабар доданд, ки дар Маскав кору зиндагӣ мекунанд ва барои гирифтани иҷозатномаи корӣ (патент) чандин маротиба назди Хадамоти федералии муҳоҷират (ФМС) рафтаанд, аммо аз сабаби зиёд будани одамон ва навбатпоиҳои тӯлонӣ наметавонанд аснодашонро ба тартиб дароранд.

Ин дар ҳолест, ки тибқи муқаррароти қаблии ҳукумати Русия 15 июн муҳлати қонунӣ кардани асноди будубоши муҳоҷирон ба охир расид. Ва мебоист онҳое, ки натавонистанд асноди будубоши худро ба даст оранд, аз Русия ихроҷ шаванд.

Видео: аз муҳоҷирони корӣ. WhatsApp 2021-06-24 at 11:07:43 

Аммо аз сабаби зиёд будани мардум дар назди марказҳои муҳоҷират ҳама натавонистанд, ки асноди худро қонунӣ кунанд. Президенти Русия Владимир Путин боз барои муҳоҷирон 90 рӯзи дигар муҳлат дод.

Муҳоҷирон дар тамос ба “Аздо тв” мегӯянд, ки дар назди Хадамоти муҳоҷират хеле одамон зиёданд ва раванди тартиби қонунӣ кардани асноди будубошу ба даст овардани иҷозатномаҳои корӣ хеле сахт шудааст.

“Чанд бор аст, ки меравем, одам беҳад зиёд аст, патент (иҷозатномаи корӣ) гирифтан бисёр мушкил шудааст. Ҳаво гарм, навбати зиёд, хулоса одам болои одам”,- мегӯяд як муҳоҷир.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти Раҳмонов ва Пизишкиён дар Озарбойҷон

Раисҷумҳури худкомаи Тоҷикистон Эмомалӣ Раҳмон бо Президенти Эрон Масъуди Пизишкиён мулоқот кард.

Гармои шадид дар Тоҷикистон сокинонро нигарон кардааст

Рӯзҳои ахир шиддати гармои тобистонӣ дар Тоҷикистон аксари сокинонро нигарон кардааст.

Имомуддин Сатторов сафири Тоҷикистон дар Лаҳистон шуд

Сафири Фавқулода ва Мухтори Ҷумҳурии Тоҷикистон дар Олмон ва Лаҳистон Имомуддин Сатторов эътимодномаи худро ба Президенти Лаҳистон Анджей Дуда супорид.

Толибонро аввалин кишвари дунё расман эътироф кард

Пас аз чор соли ба сари қудрат расидани Толибон дар Афғонистон Русия аввалин кишваре шуд, ки ҳукумати сарпарастро ба расмият шинохт.