18.9 C
Dushanbe

Афзоиши парвозҳои мунтазам байни Тоҷикистон ва Русия

Аз имрӯз 10 июн шумораи парвозҳои мунтазам аз Русия ба Товикистон афзуда шуд. Ба ҳамин минвол аз ин пас тайи ҳафта дар маҷмӯъ байни Тоҷикистон ва Русия чаҳор парвози мунтазам анҷом дода мешавад.

Бино ба навиштаи хабаргузории “Спутник” Русия ҳамчунин шумораи парвозҳо бо ҳашт кишвар Белорус, Юнон, Озарбойҷон, Арманистон, Қатар, Узбекистон, Миср  ва Сербияро афзоиш медиҳад.

Хамзамон аз 10 июн Русия парвозхоро ба Австрия, Мачористон, Лубнон, Люксембург, Маврикий, Марокаш ва  Хорватия  аз сар мегирад.

Ёдовар мешавем, ки Русия парвозҳои мунтазам бо Тоҷикистонро моҳи марти соли гузашта дар иртибот бо пандемияи коронавирус қатъ карда буд. Шуруъ аз аввали моҳи апрели соли ҷорӣ дубора барқарор кард, аммо талабот ба саёҳат дар ин масир аз пешниҳодҳо зиёда аст.

Бояд гуфт, парвозҳои чартерӣ байни шаҳрҳои Русия ва Тоҷикистон ҳамоно анҷом мегирад. Ҳар рӯз тахминан 8 то 10 ҳавопаймо дар ин хатсайрҳо парвоз мекунанд.

Ёдрас мекунем, ки ҳангоми сафар, доштани санҷиши манфии короновирус барои мусофирон ҳатмӣ мебошад.

Ҳоло 7 ширкати Руси “Северный ветер”, “Ют-Эйр”, “Уральский авиалинии”, “Сибир”, “Икар”, “Азур Эйр, ва “Ямал” мусофиронро тариқи парвозҳои чартерӣ аз Тоҷикистон ба Русия интиқол медиҳанд.

Бар асоси иттилои Агентии авиатсияи Тоҷикистон аз аввали моҳи апрел то кунун 120 ҳазор шаҳрванди Тоҷикистон тариқи ҳамагуна парвозҳо ба Русия сафар кардаанд.

Ҳарчанд парвозҳо пайваста сурат мегиранд, вале нофаҳмиҳо дар мавриди арзиши чиптаи ҳавопаймо то ҳол мавҷуд аст. Хоҳишмандони сафар ба Русия аз гарону камчин будани чипта шикоят мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.

Сомон Маҳмадбеков барандаи медали биринҷӣ гашт

Сомон Маҳмадбеков, варзишкори шинохтаи тоҷик медали қаҳрамонии ҷаҳонро ба Тоҷикистон овард.

Чин дар истихроҷи ангишт ва газ ба Тоҷикистон кумак мекунад

Мақомоти Тоҷикистон бо мақомоти Чин рӯзи 21-уми майи соли ҷорӣ дар робита ба сармуоягузории ин кишвар дар истихроҷи ангишт ва газ созишнома ба имзо расониданд.