Афзоиши содироти сангҳои қимматбаҳо дар Тоҷикистон

Агентии омори назди Президенти Тоҷикистон гуфтааст, дар 10 моҳи соли ҷорӣ содироти сангҳои қиматбаҳо 55 дарсад афзудааст.

Бино ба навиштаи сомонаи “Авасто”, дар Тоҷикитон тӯли даҳ моҳи сипаригардида ба маблағи як милиарду 200 милион доллар содирот шудааст, ки аз ин рақам 690 миллион доллар аз ҳисоби сангҳои қиматбаҳо, нимқиматбаҳо ва металҳои қиматбаҳо мебошанд.

Гуфта мешавад, пас аз хуруҷи коронавирус содироти металҳои қиматбаҳо ба хориҷи кишвар зиёд гардидааст, ки нисбат ба соли гузашта 464 миллион доллар бештар будааст.

Ҳамчунин зикр гардида, ки бештари металҳои қиматбаҳои Тоҷикистон ба Шветсария ба маблағи беш аз 500 миллион доллар содир шудааст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.