32.9 C
Dushanbe

Аҳзоби Тоҷикистон бо ваъдаи таъмини амнияту сохтани метро вориди интихобот мешаванд

Аксҳо аз “Озодӣ” ва “Ховар” гирифта шудааст

Баъд аз эълони таърихи баргузории интихоботи президентӣ дар Тоҷикистон рӯзи 11 октябри соли равон, то ҳол ду ҳизб аз иштирокашон дар ин интихобот хабар доданд.

Бино ба гузориши ҳафтаномаи “Тоҷикистон” рӯзи 15 августи соли ҷорӣ аввалин шуда Ҳизби аграрии Тоҷикистон, Рустам Латифзода раиси ин ҳизбро ба ҳайси номзади ба интихоботи президентӣ пешниҳод намуд.

Акс аз “Ховар”

Ҳафтаномаи Тоҷикистон менависад, ки Рустам Латифзода дар барномаи пешазинтихоботии худ масъалаи таъмини амнияти давлатӣ, таҳкими марзҳо ва беҳбудии сатҳи зиндагии шаҳрвандонро аз мавзӯҳои меҳварии худ ҳамчун номзад ба мақоми президенти Тоҷикистон унвон кардааст.

Дар интихоботи парлумонии гузашта Ҳизби аграрии Тоҷикистон дар парлумон 7 курсиро соҳиб шуд. Рустам Латифзода баъд аз даргузашти раиси собиқи Ҳизби аграрии Тоҷикистон, Амир Қароқулов дар соли 2014, раиси ин ҳизб интихоб гардид.

Ҳамзамон Абдуҳалим Ғаффорзода, вакили парлумон ва раиси Ҳизби сотсиалистии Тоҷикистон, низ аз иштироки ҳизбаш дар интихоботи президентии 11 октябр хабар дод.

Ғаффорзода дар хусуси барномаҳои пешазинтихоботии ҳизбаш ба баланд бардоштани нафақабаи пиронсолон ва сохтани метро дар Душанбе ишора кардааст. Низ илова намуда, ки яке аз пешниҳодоти ҳизбаш дар ин интихобот барои даромади иловагӣ ба буҷаи давлатӣ ин аст, ки роҳҳои дохили шаҳри Душанбе барои мошинҳое, ки аз дигар ноҳияҳо меоянд, пулакӣ карда шавад.

“Мувофиқи релефи шаҳр он метавонад дар баъзе ҷойҳо метрои рӯизаминӣ ҳам бошад. Инчунин,  мо як пешниҳоди дигар дорем. Чун шаҳр ҳоло чаҳор дарвоза дорад, бояд он мошинҳое,ки аз минтақаҳо ба пойтахт меоянд, дар истгоҳи назди ҳамин дарвозаҳо таваққуф кунанд.  Агар ба шаҳр даромадан хоҳанд, бояд маблағи муайян супоранд. Он гоҳ ҳам тамбашавӣ камтар мешаваду ҳам ба буҷа маблағи иловагӣ ворид мегардад”, – гуфт Ғаффорзода.

Ӯ дар суҳбат бо ҳафтаномаи “Тоҷикистон” оиди рушди иқтисоди кишвар ба чанд нукта чунин ишора намудааст: “Бигзор дар дохили кишвар ва бо қувваи  мардуми мо боигариҳои табии мо коркард шаванд. Он гоҳ мо 75 фоизи даромадро ба хориҷиҳо намедиҳему он вориди буҷаи давлат мешавад. Роҳи сеюмаш, ин баланд бардоштани тафаккури техникии насли наврас аст. Вақте ки мо истеъдодҳои техникиро якҷо сарҷамъ карда, бо устодони забардаст таъмин мекунем, он гоҳ пешрафтро интизор шудан мумкин аст ва онҳо ба мардуми худ хизмат мекунанд”, – таъкид кардаст раиси ҲСТ.

Бино ба тасдиқи худи раиси ҲСТ аъзоёни ин ҳизб ба 21 ҳазору 500 нафар расидааст ва зиёда аз нисфи аъзоёнаш дар муҳоҷирати меҳнатӣ қарор доранд.

Абдуҳалим Ғаффорзода ҳамчунин дар интихоботҳои президентии солҳои 2006 ва 2013 низ номзадии худро ба курсии президентӣ пешбарӣ карда буд. Аксари коршиносон пешбарӣ шудани номзадии ин ҳизбро чандон ҷиддӣ қабул надоранд ва ҳизби ӯро ҳамчун ҳизби кисагӣ ном мебаранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.