Субҳи рӯзи 21-уми июни соли ҷорӣ як мошини ҳомили шаҳвандони Тоҷикистон дар шоҳроҳи Самара-Чимкенти Қазоқистон тасодуф кард, ки дар натиҷа 4 нафар ба ҳалокат расид.
Сардори пулиси вилояти Оқтеппаи Қазоқистон Айдос Кулҷонов ба расонаҳои маҳаллӣ гуфта, ки ҳодиса субҳи имрӯз тахминан соати 8:15 дар километри 631-и шоҳроҳи Самара-Чимкент дар наздикии деҳаи Кобда рух додааст. Дар дохили он ҳама шаҳрвандони Тоҷикистон буданд.
Ба гуфтаи сардори пулис, пас аз тасодуф ду нафар дар ҷои ҳодиса, ки яке духтари ноболиғи 15-сола буд ва ду нафари дигар дар бемористони марказии ноҳияи Кобдински вилояти Оқтеппа ҷон бохтаанд. Вазъи саломатии ду нафари дигар низ вазнин арзёбӣ мешавад.
Пулс дар тафтишоти пешакии худ сабаби сар задни ҳодисаро “рондани мошин дар ҳолати хастагии аз ҳад зиёди ронанда” гуфтааст. Барои таҳқиқи ин парванда аллакаи тафтишот оғоз шудааст.
Гуфта мешавад, ронандаи мошини “Hyundai Starex” – шаҳрванди Тоҷикистон дар ҳоли хастагии аз ҳад зиёд мошин ронда, дар натиҷа аз идораи мошин намебарояд ва мошин аз роҳ баромада чаппа мешавад.
То ҳол ҳувияти онҳо ва сокинони кадом минтақаи Тоҷикистон буданашон маълум нашудааст.
