Афғонистон

Имороти Муттаҳидаи Арабӣ Толибонро ба расмият хоҳад шинохт

Толибон интизори онро доранд, ки Имороти Муттаҳидаи Арабӣ нахустин шуда, Иморати исломии Афғонистонро ба расмият бишносад.

Акс аз манбаъҳои боз

Бино ба иттилои расмӣ, 5-уми декабри соли 2022 Президенти Имороти Муттаҳидаи Арабӣ вазири дифои миллии Афғонистон бо раҳбарии Толибонро дар Абузабӣ ба ҳузур пазируфт.

Забеҳуллоҳи Муҷоҳид, сухангӯи расмии Толибон мегӯяд, мавлавӣ Муҳаммад Яъқуб Муҷоҳид, вазири дифои миллии кишвар шоми гузашта бо шайх Муҳаммад бин Зойид Оли Наҳаён, амири Имороти Муттаҳидаи Арабӣ дар қасри шоҳии аш-Шотӣ дар Абузабӣ дидор кард."

Ба гуфтаи ӯ, "дар ин дидор мақомоти ҳар ду кишвар рӯи густариши равобит ва ҳамкориҳои ҳамаҷониба ва баъзе аз масоили муҳимми дигар баҳс ва табодули назар намуданд."

Акс аз манбаъҳои боз

Гуфта мешавад, аз замони дубора сари қудрат омадани Толибон дар 15-уми августи соли 2021 дар Афғонистон ин нахустин бор аст, ки намояндаҳои онҳоро ба таври расмӣ дар қасрҳои президентӣ ва он ҳам дар сатҳи раҳбари олии як кишвар қабул мекунанд.

Бо вуҷуди он ки Покистон ва Қатар аз ҳомиёни сиёсии Толибон ҳастанду солҳост ба хотири ба расмият шинохтани онҳо дар дунё лоббигарӣ мекунанд, вале ҳеч куҷое ба сурати расмӣ аксу наворҳои онҳо нишон дода нашудааст, ки як намояндаи онҳо ба мавлавӣ Муҳаммад Яъқуб мулоқотҳое дар чунин сатҳи олӣ дошта бошад.

Биноан, пас аз ин мулоқот ин эҳтимол вуҷуд дорад, ки Имороти Муттаҳидаи Арабӣ нахустини кишваре дар дунё хоҳад буд, ки ҳукумати Иморати исломии Толибонро ба расмият бишиносад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Афғонистон

Афғонистон

Дар Дарвоз издивоҷ байни шиаву суннӣ манъ карда шуд

Афғонистон

Вокуниши Муттақӣ ба таркиши Покистон

Афғонистон

Ашраф Ғанӣ барои наҷангидан бо Толибон аз Қатар ришва гирифтааст

Афғонистон

Ҳушдори Толибон ба Саидҷаъфар Усмонзода