Бар асари ҳамлаҳои бомдодии Русия алайҳи Украина дар шаҳри Добропилия дасти кам 27 нафар кушат ва захмӣ шудааст.
Бино ба иттилои расонаҳо, 16-уми июли соли 2025 артиши Русия ба бозори марказии шаҳри Добропилия, воқеъ дар вилояти Донетски Украина ҳамла карда, дар натиҷа 2 нафар кушта, беш аз 25 каси маҷрӯҳ гардидааст.
Ба нақли шоҳидони ҳодиса, ин ҳамлаҳои сангин, ки тавассути бомбҳои гаронвазни то 500 килограмӣ анҷом шуд, ба садҳо биноҳои истиқоматӣ ва тиҷоратӣ дар ин шаҳр осеби ҷиддӣ ворид карданд.
Инчунин, мақомоти украинӣ низ ба расонаҳо гуфтаанд, ки “ҳамлаи мазкур дақиқ ба як минтақаи тиҷоратӣ нигаронида шуда, ҳангоми авҷи рафтуомади мардум сурат гирифт ва дар маҷмуъ, 54 мағоза, 13 иншоот ва беш аз 300 манзил осеб дидаанд.
Ҳамзамон бо ин ҳамла, Русия зарбаҳои мушакӣ ва дронӣ ба дигар шаҳрҳои Украина, аз ҷумла Харков, Виннитсия ва Одессаро низ анҷом дод, ки дар натиҷа дасти кам 15 нафар захмӣ ва ба зерсохторҳои иҷтимоӣ ва энергетикӣ дар минтақа осеб расидааст.
Гуфтанист, ин амал дар пасманзари шартгузории ахири Доналд Трамп, президенти ИМА ба Русия сурат гирифт. Кохи сафед аз Кремлин талаб карда буд, ки дар муддати 50 рӯз дар бораи тавофуқоти сулҳ бо Украина бо Ғарб ба созиш бирасад, вале он аз ҷониби Маскав нодида гирифта шуд.
Аз сӯи дигар, мақомоти Украина ва нозирони байналмилалӣ низ ин ҳамларо ҳамчун як амали ваҳшиёна алайҳи аҳолии осоишта маҳкум намуда, даъват ба иқдомҳои ҷиддии дипломатӣ ва ҷазоҳои иловагӣ карданд.
