Ҳодисаи хунини тамрингоҳи Белгороди Русия, ки дар он ду шаҳарванди Тоҷкиистон ба қатли дасти кам 29 нафар аз сабозону афсарон айбдор мешаванд, паҳлӯҳои дигар касб мекунад.
Бино ба иттилои Мақомоти Русия ин ҳодисаи хунини тамрингоҳи Белгородро ҳамчун як ҳодисаи “терорристӣ” баҳо доданд, вале иллатҳои аслии онро нагуфтанд. Баъдтар сомонаи Астра ба нақл аз яке аз шоҳидони ҳоидса, ки маҷруҳ шудааст, навишт, ки тавҳин ба зоти Худо ва “тарсӯ хондани Аллоҳ” боиси ин ҳодисаи хунин шудааст. Аммо Валентина Чупик, яке аз ҳомиёни ҳукуқи муҳоҷирон дар Русия дар шарҳи ин ҳодиса гуфтааст, ки “онҳо шаҳрвандони Тоҷикистон буданд… онҳоро маҷбур карданд, ки қардоди хидамати ҳарбиро бо “хоҳиши худашон” имзо кунанд. Онҳо аз аввал мехостанд аз он ҷо фирор кунанд. Мана бо ана ҳамин хел як таҷрибаи номуваффақ рӯбарӯ шуданд.“ Ҳарчанд ин гуфтаҳои Чупикро наметавон пурра тасдиқ кард, вале субҳи имрӯз “Паём.нет” ҳам бо нашри як матлаб гуфта буд, ки Вазорати корҳои дохилии Русия бар асоси як амри вазири ин ниҳоди қудратии Русия қасд дорад, то якуми ноябри соли ҷорӣ на камтар аз 75 ҳазор нафар аз муҳоҷирони кории кишварҳои Тоҷикистон, Узбекистон ва Қирғизистонро, ки бар асоси “Патент” кор мекунанд, ба ҷанг дар Украина ҷалб кунад. Гуфта мешавад, пеш аз ин ҳам Вазорати корҳои хориҷии Тоҷикистон гуфта буд, ки сафорати Тоҷикистон дар Русия ин парвандаро пайгирӣ мекунад ва сипас асли қазияро шарҳ медиҳад.
