14.9 C
Dushanbe

Сарбоз: Фикр мекунам ибораи “Аллоҳ заиф аст”, ба онҳо сахт таъсир кард

Яке аз иштироккунадагони ҳодисаи тирпарронии тамрингоҳи Белгород мегӯяд, ибораи “Аллоҳ заиф аст”, ба мусалмонони тоҷик сахт таъсир кард ва он сабаб шуд, ки фармондеҳи рус ва дигар сарбозонро бикушанд.

Акс аз “РИА Новости”

Расонаи русии ASTRA ҷузъиёти ҳамлаи мусаллаҳона дар тамирингоҳи низомиёни рус дар вилояти Белгороди Русияро аз забони як сарбози захмишуда нақл кардааст.

Тарҷумаи тоҷикии нақли ҳодиса дар поён оварда мешавад:

“Подполковник Лапин гуфт, ки Аллоҳ заиф аст. Пас аз якуним соат ӯро парронданд”.

Ба хабарнигорони ASTRA муяссар шуд, ки бо як низомие сӯҳбат кунад, ки бо иддаои ӯ, ҳангоми тирпарронӣ дар майдони машқӣ дар деҳаи Солоти вилояти Белгород захмӣ шудааст ва ҳодисаро бо чашми худ дидааст. Айни ҳол низомиён дар бемористони шаҳри Валуйки қарор доранд. ASTRA номи ин низомиро ба хотири бехатарии ӯ нашр намекунад.
МУҲИМ: Замони нашри матлаб, мо натавонистем шахсияти гӯянда ё дигар ишироккунандагони ин қиссаро мустақилона тафтиш кунем.

“Ҳамааш аз он оғоз шуд, ки баъзе аз сарбозони мусалмони мо – як доғистонӣ, як озарбойҷонӣ ва як адигеӣ – гуфтанд, ки “ин ҷанги мо нест”. Онҳо талош карданд гузориш нависанд, ки дигар хизмат кардан намехоҳанд. Подполковник Андрей Лапин вакте инро аз фармондеҳи рота фаҳмид, ҳамаро ҷамъ карда, гуфт, ки “ин ҷанги мукаддас аст”.

Ҳодиса субҳҳангом дар майдони тамрин, ки дар он сарбозон саф мебанданду гимн мехонанд, рух дод. Ҷанҷол сар шуд, ҳама ба тела-тела шурӯъ карданд, аз ҷумла чанд нафар аз ротаи ман дар ҷанҷол иштирок карданд.
Тоҷикон дар ҷавоб ба Лапин гуфтанд, ки ҷанги мукаддас ҷанги мусалмонон бо кофирон аст. Лапин гуфт: “Ин тавр бошад, Аллоҳ тарсу аст, агар ба шумо иҷозат надиҳад, ки барои кишваре, ки барояш савганд хӯрдед, ҷанг кунед”.

Шахсан ман фикр мекунам, ки бештар ин ибораи “Аллоҳ заиф аст” сахт расид. Ин ибора бисёре аз онҳое, ки дар майдони машқ истода буданд, ба ҳайрат (шок) овард. Зеро дар байни афсарони мо мусалмонон ҳастанд — ҳам бошқирдҳо ва ҳам тоторҳо.

Пас аз саф кашидани сарбозон, русҳо ва мусалмонон ҷанҷолро идома доданд. Пас аз он ҳама пароканда шуданд, гӯё ором шуданд. Пас аз якуним соат, тақрибан вақти нисфирӯзӣ, ҳамаи моро ба майдони тирпарронӣ фиристоданд. Се нафар тоҷикон, ки дар хидмати шартномавӣ буданд, автоматҳои худро, ки тирҳои ҷангӣ доштанд, гардонида, фармондеҳи мо подполковник Лапинро парронданд. Ӯ ҷобаҷо мурд. Пас бетартибона оташ кушоданро оғоз карданд. Дар майдони машқӣ ҳам сарбозони шартномавӣ ва ҳам басиҷшудаҳо буданд. Танҳо кушташудагоне, ки ман дидам, 29 нафар буданд. 30-юмаш подполковник Лапин буд. Ин адад ба ҷуз ду тоҷике, ки ҳамроҳи онҳо кушта шуданд. Онҳоро ҳам ҳисоб кунем, 32 нафар мешавад.

Дақиқ намедонам, ки чанд нафар захмӣ шуданд, баъзеҳоро бо чархбол ба Белгород бурданд, баъзеҳо ҳоло бо ман дар Валуйки ҳастанд.
Ду-се дақиқа пеш аз оғози тирпарронӣ ба мо, яъне мусалмонон гуфтанд, ки канор равем. Дар хотир дорам, ки номи тирандозон: Бекзод — сержанти калон, дигаре Ануше ва сеюмӣ сержанти хурд Ами аст. Насабашонро дар ёд надорам. Сержанти хурд Ами гурехт. Прапоршик Семёнов ду нафар тирандозро кушт. Семёнов он лаҳза дар утоқе буд, ки дар он қуттиҳои тир нигоҳ дошта мешаванд ва аз он ҷо ба мо тақсим мекунанд. Вай таппончаи ҷангӣ дошт, дар лаҳзаи тирпарронӣ ҳузур надошт. Вақте шунид, ки чӣ ҳодиса рӯй медиҳад, берун баромадад ва ҳарду тоҷикро парронд.

Тири ӯ ба китфи Ами расид, вале ба ӯ муяссар шуд, ки фирор кунад. Вай симхорро бо тир зад, ки дар он чо девор аст. Он ҳатто девор нест, балки як сими қаҷшуда аст, ҳамин ҷоест, ки баъзе сарбозон ҳангоми набудани имконияти баромадан аз дарвоза ба шаҳр мерафтанд. Дар он ҷо як хоктӯдае хаст, яъне аз болояш гузаштааст. Ба мо гуфтанд, ки то ҳол фирорӣ аст, дастгир нашудааст.
Махсусан он тоҷикон (ки оташ кушоданд – қайди ҳайати таҳририя) – диндори шадид буданд. Онҳо пайваста ҷанҷол мекарданд, ки онҳоро намегузоранд дар вақташ намоз хонанд, барои намозхонӣ утоқе ҷудо намекунанд”, – гуфт он ҷавон.”

Дар ҳамин ҳол имрӯз, 17-уми октябр ASTRA номи ин шаҳрванди Тоҷикистонро нашр карда, аз яке Раҳмонов Меҳроб ва аз дигаре Аминзод Тоҷиддин ном бурдааст. Дар бораи будубош ва аз кадом минтақаи Тоҷикистон буданашон ҳанӯз маълумоте нест.

Ҳамчунин мақомоти тоҷик низ расман дар бораи ин ҳодиса ва шаҳрвандони кушташудааш изҳороте нашр накардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.