11.9 C
Dushanbe

Ҳамлаи нерӯҳои исроилӣ ба Масҷиди Ақсо

Бомдоди рӯзи чоршанбе, 5-уми апрели соли ҷорӣ нерӯҳои исроилӣ ба дохили Масҷид-ул-Ақсо ворид шуда, бар сари намозгузорон ва эътикофнишастагон ҳамла карданд.

Боздошти намозгузорон дар дохили Масҷиди Ақсо аз ҷониби нерӯҳои исроилӣ (05.04.2023)
Ба иттилои расонаҳои маҳаллӣ, нерӯҳои исроилӣ намозгузорони дохили масҷидро “иғтишошгар” хонда, онҳоро мавриди ҳамлаи худ қарор доданд ва садҳо нафарро низ боздошт карданд.

Мақомоти фаластинӣ мегӯянд, нерӯҳои исроилӣ дастикам 500 нафарро субҳи имрӯз аз дохили масҷид боздошт карда ва дар натиҷаи задухӯрдҳо 14 нафар захмӣ шудааст.

Салиби Сурхи Фаластин эълом кард, ки нерӯҳои исроилӣ монеи расидани пизишкон ба масҷид мешаванд ва намегузоранд ба маҷруҳон сари вақт кумак расонида шавад. Ин ниҳод мегӯяд, нерӯҳои исроилӣ ҳатто ба мошинҳои гурӯҳи пизишкон ҳамла карда, шишаҳои онҳоро шикастанд.

Дар муқобил нерӯҳои Ҳаракати ҲАМОС ҷониби Исроил 10 мушак партоб карданд, ки ба гуфтаи сухангӯи артиши Исроил 6-тои онҳо гардонида шуд, аммо 4 мушаки дигар ба манотиқи исроил исобат кард.

Ҷангандаҳои Исроил низ субҳи имрӯз баъзе нуқоти Ғаззаро бомборон карданд. Мақомоти ин кишварр мегӯянд, ҷангандаҳои он ду макони аслиҳасозӣ ва захоири аслиҳаро, ки тобеъи Ҳаракати ҲАМОС буд, бомборон кардааст.

Юруши нерӯҳои исроилӣ ба Масҷиди Ақсо ва боздошти садҳо намозгузор дар ҳоле сурат мегирад, ки аз 5-ум то 12-уми апрел иди Пасхи яҳудиён гузаронида мешавад. Ҳамасола нерӯҳои артиши Исроил дар ин рӯзҳо ба дохили масҷид ҳамла карда, бо мусалмонҳо даргир мешаванд.

Юриши нерӯҳои исроилӣ ба Масҷиди Ақсо рӯзи 5-уми апрели соли 2023
Дар наворҳое, ки дар шабакаҳои иҷтимоӣ роҳ ёфтаанд, дида мешавад, ки нерӯҳои исроилӣ бо силоҳ дар дохили масҷид ба сӯи мардум оташ мекушоянд ва мардумро латукӯб мекунанд ва ҳатто дида мешавад онҳо пиразанҳоро ба замин кашолакунон мебаранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Баргузории нишасти вазирони умури хориҷии ИА дар Украина

Қарор аст барои нахустин бор нишасти вазирони корҳои хориҷии кишварҳои узви Иттиҳоди Аврупо дар Украина багузор шавад.

Боз сӯхтори бозор. Ин бор дар Суғд

Бомдоди 2-уми октябри соли ҷорӣ бозори фурӯши масолеҳи сохтмонии шаҳри Хуҷанд, "Ҷумъабозор" оташ гирифта, чандин дукону мағоза ба коми оташ фурӯ рафт.

Дархости мухлисони футбол аз “Барқи тоҷик”

Сокинони шаҳру ноҳияҳои Тоҷикистон аз ширкати "Барқи тоҷик" талаб доранд, ки имшаб барои тамошои футболи дастаи “Истиқлол”-и Душанбе ва “Ан-Наср”- и Арабистони Саудӣ, барқро қатъ накунанд.

Чанд шаҳру ноҳия дар рӯзи аввал нақшаи даъватро иҷро карданд

Мақомоти ВМКБ, баъзе ноҳияҳои вилояи Хатлон ва вилояти Суғд хабар доданд, ки нақшаи даъватро дар як рӯз пурра иҷро кардаанд.