24.9 C
Dushanbe

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми июни соли ҷорӣ дар шаҳри Дарбанд ва Махачқалъаи Ҷумҳурии Доғистон ҳамлаи террористӣ сурат гирифт.

Гуфта мешавад, ҳамлагарон ба як каниса (ибодатгоҳи яҳудиён) ва ду калисои артадоксӣ ва инчунин ба як постгоҳи пулис ҳамла карданд. Дар ин ҳамлаи мусаллаҳона дасти кам 16 пулис ва 4 ғайринизомӣ, аз ҷумла роҳиб Николай куштаву ҳудуди 25 нафари дигар захмӣ шудаанд.

Мақомоти Русия мегӯянд, ки дар задухӯрди тулонӣ дар кӯчаҳо панҷ ҳамлаварро куштанд ва дар робита ба ин ҳодиса парвандаи ҷиноӣ боз карда, ҳамлаварони дигар ва кумакрасонҳои онҳоро ҷустуҷӯ доранд.

То ҳол ҳеҷ гурӯҳе масъулияти ин ҳамларо ба дӯш нагирифтааст ва ангезаи ҳамлагарон маълум нест.

Аммо ба навиштаи расонаҳои русӣ, дар ин ҳамлаи хунин ҳадди ақал ду писари раиси ноҳияи Сергокалински Доғистон Магомед Омаров – Усмон ва Одил Омаровҳо, инчунин бародарзодааш Абдусамад Амадзиев иштирок доштаанд. Худи Магомед Омаров пас аз ҳамла аз вазифа барканору барои “амалҳои бадномкунандаи ҳизб” аз ҳайати ҳизби ҳокими “Единая Россия” ихроҷ шудааст. Нерӯҳои амниятӣ шаби ҳамла хонаашро кофтӯкоб карда, Магомед Омаровро боздошт кардаанд.

Инчунин расонаҳо русӣ иддао доранд, ки яке аз ҳамлаварони кушташуда варзишкор Гаджимурад Кагиров ва дувумӣ Алӣ Закаригаев, собиқ раиси ҳизби “Справедливая Россия”-и Сергокалински Доғистон будаанд, вале то ҳол мақомоти рус расман номи ҳамлаваронро нашр накардааст.

Ин ҳамлаи хунин дар ҳоле дар Доғистон сурат мегирад, ки чанде пеш расонаҳои Туркия бо такя ба ниҳодҳои истихборотии ин кишвар хабар дода буданд, ки нерӯҳои ДИИШ барои анҷоми амалиёти террористӣ дар хоки Русия омода мешаванд, аммо ин ҳамлаи охирро ДИИШ то ҳол ба дӯш нагирифтааст.

Дар Доғистон рӯзҳои 24, 25 ва 26-уми июн мотами серӯза эълон шудааст. Президентҳои Тоҷикистону Қазоқистон, Қирғизистон ва Узбекистон дар робита ба ҳамлаҳои террористӣ дар Доғистон изҳори ҳамдардӣ карданд.

Владимир Путин, раисҷумҳури Русия, то ҳол дар бораи ин ҳодиса изҳори назар накардааст, аммо котиби матбуотии президент Дмитрий Песков гуфтааст, ки Путин ба қурбониёни ҳамла дар Доғистон ҳамдардии амиқ баён дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.